Kalluumeysatada Kismaayo oo ka cabanaya Maraakiib Shisheeye oo jooga Xeebaha Magaalada

Kalluumeysatada gobolka Jubada hoose, ayaa sheegay in ay dhibaatooyin ku qabaan maraakiib shisheeye oo curyaamiyay howlahooda, xilli qiimaha kalluunka magaalada Kismaayo sare u kac sameeyay, sida ay sheegeen qaar kamid ah kalluumeysatadaas.

Wariyaha warbaahinta Qaranka, Aadan Maxamed Salaad, oo Kismaayo jooga ayaa waxaa uu leeyahay, kalluumeysata waxaa cabasho ka qabaan maraakiibta shisheeye oo sida sharci daro ah uga jilaabta kalluunka xeebaha gobolka Jubada hoose.

Arrintaas, ayaa sababtay in qiimaha kalluunka kor u kaco, tusaale ahaan halkii Kg oo kalluun ah suuqyada Kismaayo waxaa uu maanta marayaa 3 doolar iyo bar.

Kalluumeysatadan, ayaa dowladda Soomaaliya ugu baaqay in ay wax ka qabato maraakiibta sida sharciga baal marsan ugu guranaya kheyraadka dalka gaar ahaan kan badda ku jira.

LEAVE A REPLY

Please enter your comment!
Please enter your name here