Kenya oo lacago duldhigtay 8 ka tirsan argagixisada Al-shabaab

0
477

War ka soo baxay Laamaha ammaanka Dalka Kenya ayaa lagu sheegay in ay jiraan rag tiradooda ay gaareyso ilaa 8 qof  oo ka tirsan Argagixisada Alshabaab, kuwaasi oo qorsheynaya in ay weeraro ka geystaan gudaha dalka Kenya.

Dowladda Kenya ayaa sheegtay in dadkan la baadi goobayo midkasta oo kamid ah  Madaxiisa la duldhigay laba Milyan lacagta Kenyanka ah oo u dhiganta 20,000$, oo la siin doono cidii gacanta ku soo dhigta ama meel ku sheegta,si ay ciidamada ammaanku ay gacanta ugu soo dhigaan.

Wareegto uu soo saaray Taliyaha Ciidanka Booliska dalka Kenya waxa uu ku sheegay raggan in aydoonayaan in  howlo Argagixiso ka geystaan gudaha dalka Kenya, lagana hortagayo.

Sideeda qof oo lala xiriirinayao Maleeshiyada Alshabaab oo ay Ciidamada Kenya ay ku daba jiraan ayaa waxa ay kala yihiin Isaaq Caliyow Maxamed, Raxiim Maxamed Sheekh, Bashiir Xareed Xuseen, Bshiya Aadan Cusmaan Kulu, C/rashiid Ibraahim Aadan Cusmaan, Siyaad Ibraahim C/laahi, Cabdi Maxamed Ibraahim iyo Maxamed Maxamuud Maxamed,kuwaasi oo madaxyadooda la duldhigay lacago aad u farabadan.

Booliska ayaa shacabka ka dalbaday in Ciidamada Booliska ay u gudbiyaan wixii xog ah oo ay ka hayaan raggan oo sawiradooda lagu baahiyay, si loo soo qabto sharcigana loo horgeeyo.

Afhayeenka  Booliska Wadanka Kenya ayaa sheegay in shaqsiyaadka la baadi goobayo ay ku dhuumaaleysanayaan degaano ka tiran Gobolka Waqooyi Bari oo ay ka mid yihiin Khadiija Xaaj iyo Qumbi-dhaam, doonayaana in ay geystaan falal ka baxsan amniga.

Did you like this? Share it:

LEAVE A REPLY

Please enter your comment!
Please enter your name here