Koob lagu xusayay sanadguurada Warbaahinta Qaranka oo loo dhigay Kooxaha Heegan iyo Gaadiidka “SAWIRRO”

3453

Cayaartan lagu maamuusayay sanad guurada Warbaahinta Qaranka Soomaaliyeed isla markaana ka mid aheyd horyaalka dalka ayaa waxa uu maanta garoonka kubada cagta ee Banaadir Stadium ku dhex martay kooxaha kubada cagta ah ee Heegan iyo Gaadiidka, iyadoo ay ku tartamayeen koob ay u dhigtay Warbaahinta Qaranka.

Madaxda Warbaahinta Qaranka, qaar ka mid ah taageerayaasha labada kooxood iyo dadweyne aad u fara badan ayaa buux dhaafiyay garoonka, iyadoo jawiga garoonkana uu aad uga duwanaa sidii hore.

Cayaartoyda labada kooxood oo diyaar balaaran uu ka muuqday ayaa markii ay bilaabatay cayaarta, waxa ay labada koox soo bandhigeen cayaar aad u wanaagsan oo ay u riyaaqeen dhamaan dadkii u soo daawasho tegay kulankii maanta, waxaana cayaarta guud ahaan ku soo idlaatay 1-0 oo ay guusha ku raacday kooxda kubadda cagta ee Heegan.

Kabtanka kooxda Heegan Cabdikariin Abuukar Nuur oo cayaarta markii ay soo gaba gaboowday kaddib la hadlay Warbaahinta Qaranka ayaa guusha ay maanta gaareen ku tilmaameen inay tahay mid taariikhi ah, maadaama ay bar bar socotay koob lagu maamuusayay sanad guurada Warbaahinta Qaranka Soomaaliyeed.

Gudoomiye ku-xigeenka xiriirka Soomaaliyeed ee kubadda cagta Cali-shiine Cabdi Maxamed ayaa hambalyo u diray Warbaahinta Qaranka Soomaaliyeed, isagoo howlwadeenada ku bogaadiyay inay sii labo jibaaraan howlaha ay bulshada u hayaan

Agaasimaha Radio Muqdisho C/raxiin Ciise Caddow ayaa u hambalyeeyay kooxda kubadda cagta ee Heegan, guusha ay maanta gaareen, isagoo xiriirka Soomaaliyeed ee kubadda cagta uga mahadceliyay qabsoomidda kulanka.

Agaasimaha Warbaahinta Qaranka Mudane C/raxmaan Yuusuf Sheekh Al-Cadaala ayaa hoosta ka xariiqay in wada shaqeyn buuxdo ay kala dhexeyso Warbaahinta Qaranka iyo xiriirka Soomaaliyeed ee kubadda cagta, waxaana uu intaa ku daray inay xoojin doonaan ka shaqeynta Nabadda iyo isdhexgalka bulshada.

Cayaarta galabta dhex martay labada kooxood ee Heegan iyo Gaadiidka ayaa qeyb ka aheyd dabaal dega xuska sanad guurada Warbaahinta Qaranka Soomaaliyeed, iyadoo dhinaca kalena daawadayaasha cayaarta hamlayo u direen Warbaahinta Qaranka.

IMG_2204 IMG_2209 IMG_2214 IMG_2242 IMG_2274   IMG_2290  IMG_2295  IMG_2299 IMG_2309 IMG_2311 IMG_2321 IMG_2330 IMG_2333 IMG_2336 IMG_2342 IMG_2359 IMG_2379 IMG_2389 IMG_2396 IMG_2399 IMG_2425 IMG_2444 IMG_2451 IMG_2466 IMG_2479 IMG_2496  IMG_2503 IMG_2507 IMG_2518 IMG_2539   IMG_2544  IMG_2547 IMG_2549 IMG_2552  IMG_2564 IMG_6309 IMG_6310 IMG_6311 IMG_6313 IMG_6316 IMG_6318 IMG_6320 IMG_6322 IMG_6328 IMG_6329 IMG_6330 IMG_6333 IMG_6334 IMG_6346 IMG_6349 IMG_6350 IMG_6360 IMG_6361 IMG_6364 IMG_6367  IMG_6371 IMG_6373 IMG_6376 IMG_6417 IMG_6425 IMG_6431 IMG_6434 IMG_6435 IMG_6440 IMG_6443 IMG_6449 IMG_6453 IMG_6455 IMG_6459 IMG_6462 IMG_6464  IMG_6467  IMG_6472 Sawir Qaade:- Qadar Cali Nuur iyo Maxamed Cabdiweli

Did you like this? Share it:

LEAVE A REPLY

Please enter your comment!
Please enter your name here