Koonfur Afrika oo laga dalbaday in ay xirto madaxweynaha Suudaan

1487

Maxkamadda dambiyada caalamiga ah oo loo soo gaabiyo ICC ayaa dowlada Koonfur Afrika waxaa ay ka codsatay in ay xirto madaxweynaha dalka Suudaan Cumar Xasan Al-Bashiir kaas oo hadda key sugan dalka si uu ugu qeybgalo shir madaxeedka midowga Afrika.

Mr Bashir ayaa waxaa loo heysta dambiyo dagaaal oo sida la sheegay ka dhacay gobolka Daarfuur.

ICC ayaa bayaan ay soo saartay waxaa ay koonfur Afrika kaga dalbatay in ay qabato Al-Bashiir maadaama ay xubin ka tahay wadamada saxiixay maxkamadda.

Laakiin halkii ay ka xiri laheyd koonfur Afrika, waxaa Johannesburg key soo dhaweeyay saraakiil sare oo dalkaasi ka tirsan sida ay soo warisay warbaahinta dalka.

Wakaalada wararka ee dalka Suudaan ee Suna waxaa ay sheegtay in madaxweynaha uu la socday wasiirka arimaha dibadda iyo saraakiil kale.

Waxaa jirey xiisad u dhaxeysa maxkamadda ICC iyo midowga Afrika taas oo salka ku heysa markii madax ka tirsan qaaradda ay soo eedeysay maxkamadda,ayagoo ku eedeeyay in ay cadaalad daro ku sameyso Afrika.

Madowga Afrika ayaa kal hore waxaa uu ICC key booriyay in ay joojiso dacwadaha ay key soo oogto hogaamiyeyaasha Afrika.

Madaxweynaha dalka Suudaan ayaa gaashaanka u daruurey eedeymaha loo soo jeediyay isagoo hadda wadamo badan socdaal ku maray oo ay kamid yihiin Afrika iyo bariga dhexe.

Ma lahan ICC ciidan Boliis ah waxaa ay kali ah key tiirsan tahay ciidamada wadamada xubnaha ka ah kuwaas ayaana fuliya waajibaadka ay maxkamadu saartay.

Shir madaxeedka hogaamiyiyaasha Afrika oo maanta ka furmay magaalada Johannesburg ayaa waxaa shir gudoominaya madaxweynaha dalka Zimbabwe Robert Mugabe oo haya xilka meeradada ah ee midowga Afrika.

Ajendiyaasha shirka ayaa waxaa ay kamid ah awoodsiinta haweenka Afrika,arimaha ammaanka sida la dagaalanka Boko Xaraamta Nigeria iyo kooxda Al-shabaab oo dalalka geeska Afrika dhibaato amni daro oo aad u daran ku heysa.

Sidoo kale waxaa looga hadli doonaa xaaladda siyaasadeed ee dalka Burundi, rabshadaha jinsi naceybka ah oo ka socda dalka Koonfur Afrika iyo xasaradaha ka aloosan dalka curdunka ah ee Suudaanta koonfureed.

 

Did you like this? Share it:

LEAVE A REPLY

Please enter your comment!
Please enter your name here