Kooxaha Serie A-da oo U Codeeyay in Kooxda Parma La Siiyo Lacag Deg Deg ah Si ay U Dhameysato Horyaalka

1007

Kooxaha ka ciyaara heerka koowaad ee dalka talyaaniga ayaa u codeeyay in kooxda Parma oo ugu hooseysa horyaalka talyaaniga la siiyo lacag dhan shan Milyan iyo bar-euro ($5.5 million) oo deg deg ah,si ay kooxda ugu suura gasho in ay dhameysato sanadkan horyaalka.

16 ka mid ah 20-ka kooxood ee ka ciyaara heerka koowaad ee dalka talyaaniga ee Serie A-da ayaa u codeeyay in lagactaasi la siiyo kooxda Parma,waxaana ka aamusay kooxaha Roma, Napoli iyo Sassuolo, halka ay kooxda Cesena diiday.

Talaabadan ayaa suura galineyso in kooxda Parma ay beri la ciyaarto kooxda Atalanta ,ka dib markii ay baaqdeen labadii ee ugu dambeysay oo ay kooxda Parma la kala ciyaari laheyd kooxaha Udinese iyo Genoa,sababo la xiriira kooxda oo iska bixin waaysay adeegyada aasaasiga ah sida ammaanka iyo korontada.

Telefishinka Sky ayaa waraaq u qoray horyaalka Serie A-da,isagoo ka dalbaday in la sameeyo wax kasta oo suura galinaya in kooxda Parma ay ciyaarto kulamada uga harsan horyaalka.

Kooxda Parma ayaa sanadkan gudihiisa labo mar la beeciyay, mudo dhowr bilood ahna wax mushaar ah lama siin ciyaartoyda kooxda,waxaana 19 bishaan la dhageysan doonaa kiis la xiriira in ay kooxda musalaftay.

Deynta lagu leeyahay kooxda Parma ayaa waxaa lagu qiyaasay ku dhawaad 100 million euros ($110 million).

Did you like this? Share it:

LEAVE A REPLY

Please enter your comment!
Please enter your name here