Kooxaha Wolfsburg,Sevilla,Clubb Brugge, Dnipro iyo Zenit oo u Soo Baxay Quarter Finalka koobka Europa League-ga

0
1353

Kooxda Inter Milan ayaa waxaa lugtii labaad ee koobka Europa League-ga garoonkeeda San Siro 1-2 uga badiyay kooxda Wolfsburg.

Kooxda Wolfsburg ayaa goolka la hor martay,waxaana daqiiqadii 24-aad ee ciyaarta u dhaliyay ciyaaryahan Daniel Caligiuri,sidasi ayaana lagu kala nastay qeybtii hore ee ciyaarta.

Ciyaaryahan Rodrigo Palacio ayaa daqiiqadii 72-aad ee ciyaarta goolka bareejada u dhaliyay kooxda Inter Milan.

Ciyaaryahan Nicklas Bendtner ayaa dhamaadkii ciyaarta goolka labaad ee guusha u dhaliyay kooxda Wolfsburg.

Kooxda Wolfsburg ayaa isku celcelis ahaan 5-2 ugu soo baxday quarter finalka koobka Europa League-ga.

Kooxda Sevilla ayaa lugtii labaad ee koobka Europa League-ga garoonkeeda Ramón Sánchez Pizjuán Stadium 2-1 uga badisay kooxda Villarreal oo ay ka wada ciyaaraan horyaalka Spain.

Kooxda Sevilla ayaa goolka la hor martay,waxaana daqiiqadii 69-aad ee ciyaarta u dhaliyay ciyaaryahan Vicente Iborra.

Ciyaaryahan Giovani dos Santos ayaa daqiiqadii 72-aad ee ciyaarta goolka bareejada u dhaliyay kooxda Villarreal.

Ciyaaryahan Denis Suarez ayaa dhamaadkii ciyaarta goolka labaad ee guusha u dhaliyay kooxda Sevilla.

Kooxda Sevilla ayaa isku cel celis ahaan 5-2 ugu soo baxday quarter finalka koobka Europa League-ga.

Kooxda Besiktas ayaa waxaa garoonkeeda Atatürk Olympic Stadium 1-3 uga badiyay kooxda Club Brugge ee dalka Belgium.

Kooxda Besiktas ayaa goolka la hor martay,waxaana bilowgii qeybtii labaad ee ciyaarta u dhaliyay ciyaaryahan Ramon Motta.

Ciyaaryahan Tom De Sutter ayaa daqiiqadii 61-aad ee ciyaarta goolka bareejada u dhaliyay kooxda Club Brugge.

Ciyaaryahan Boli Bolingoli-Mbombo ayaa dhamaadkii ciyaarta goolka labo gool u dhaliyay kooxda Club Brugge.

Kooxda Club Brugge ayaa isku cel celis ahaa 5-2 ugu soo baxday quarter finalka koobka Europa League-ga.

Kooxda Torino ayaa garoonkeeda Stadio Olimpico di Torino 1-0 uga badisay kooxda Zenit St. Petersburg ee dalka ruushka.

Ciyaaryahan Kamil Glik ayaa dhamaadkii ciyaarta goolka guusha u dhaliyay kooxda Torino.

Kooxda Zenit St. Petersburg ayaa isku cel celis ahaan 2-1 ugu soo baxday quarter finalka koobka Europa League-ga,maadaama lugtii hore ay ku soo badisay labo gool.

Kooxda Ajax ayaa lugtii labaad ee koobka Europa League-ga garoonkeeda Amsterdam Arena barbardhac 2-1 uga badisay kooxda FC Dnipro Dnipropetrovsk ee dalka Ukraine.

Ciyaaryahan Riechedly Bazoer ayaa daqiiqadii 60-aad ee ciyaarta goolka u dhaliyay kooxda Ajax,waxana ay ciyaarta ku dhamaaday goolkaasi.

Ciyaarta ayaa waxaa lagu daray 30-daqiiqo oo dheeraad ah,maadaama ay kooxda Dnipro 1-0 ugu soo badisay lugtii hore.

Ciyaaryahan Yevheniy Konoplyanka ayaa daqiiqadii 97-aad ee ciyaarta gool bareejo ah u dhaliyay kooxda FC Dnipro,waxana kooxda Ajax looga baahday in ay dhaliso labo gool oo dheeraad ah.

Ciyaaryahan Mike van der Hoorn ayaa dhamaadkii waqtigii dheeriga ahaa ee ciyaarta gool labaad u dhaliyay kooxda Ajax,lakin goolkaasi uma suura galin ay u soo baxdo quarter finalka koobka Europa League-ga.

Kooxda FC Dnipro Dnipropetrovsk ee dalka Ukraine ayaa isku cel celis ahaan 2-2 ugu soo baxday quarter finalka koobka Europa League-ga.

Kooxaha Fiorentina,Napoli,Dynamo Kyiv,Dnipro,Club Brugge,Sevilla,Wolfsburg iyo Zenit St. Petersburg ayaa u soo baxay quarter finalka koobka Europa League-ga.

Beri ayaa la sameyn doonaa isku aadka quarter finalka koobka Europa League-ga.

Did you like this? Share it:

LEAVE A REPLY

Please enter your comment!
Please enter your name here