Kooxo burcad Koonfur Afrikaan ah oo dil u geystay muwaadiniin Soomaaliyeed

Kooxo burcad ah ayaa weeraro kala duwan oo ay ku qaadeen goobo ganacsi oo ay lahaayeen muwaadiniin soomaali ah isla markaana ku yiilay deegaano hoos yimada magaalada Eastlondon ee Dalka koofur Africa, waxaa ay ku dileen labo ganacsade oo soomaali ah oo halkaasi in mudo ah ku noolaa.

Kooxda burcada ayaa weerarka hore waxaa ay ku qaadeen goobo ganacsi oo uu lahaa muwaadin Soomaali ah saacadda marka ay aheyd 9:00 habeenimo Xilliga Koofur Africa waxaana ay dhac u geysteen goobta ganacsiga kadib waxaa ay Bastoolad ku qabteen marxuumka geeriyooday oo lagu magacaabi jiray Cabdi Caamir oo markii uu is dhiibay kadib ay ku dhufteen tooreey ilaa shan mar oo ay nafta kaga qaadeen .

“Ilaa shan qof ayaa soo Gashay xilli uu albaabka Dukaankiisa xeri rabay ayaa Gidaarka loogu gambaday qori ayaa lagu qabtay Marka uu is dhiibay Kadibna  waxaa ay qabteen asaga tooreey ayey ku dhufteen nin kale oo la joogayna wey xer xereen ilaa alaabta dhan ay ka rartaan”Sidaasi waxaa Radio Muqdisho u sheegay C.rasaaq Ali Kolkolay oo ka mid ah ganacsatada deegaanka Eastlonon.

Weerarka labaad oo ahaa mid qorsheysan ayaa waxaa lala bartilmaameedsaday muwaadin soomaaliyeed oo lagu magacaabo aadan Cabdi Wahaab oo ka mid ahaa ganacsatada Soomaalida ee caanka ah deegaanka Eastlondon iyo guud ahaan gobolka Eastren Cape.

Kooxda Burcadda ayaa rasaas ku furay xilli uu kaso baxay goobtiisa ganacsiga waxaana rasaasta ay ka haleeshay dhanka wadnaha ayada oo ay halkaasi isaga baxsadeen sida uu inoo xaqiijiyay abdirisaaq kolkolay.

“Meel ka baxsan ayaa nalaga soo wacay waxaa nalo sheegay in nin oday ahaa oo magalada hogaamiye uga ahaa dhanka culimada la dilay kadib markaa tagnay waxaan u tagna asaga oo meyd ah bastoolad sharciyeysan ayuu watay ayadiina lagama qaadan”

Deegaanka eastlondon ayaa waxaa uu ka mid ahaa deegaanada ugu nabdoon eek u nool yihiin soomaalida koofur Africa isla markaana ay ku heystaan ganacsiyada kala duwan.

Cabdullaahi Maxamuud Amiin “Cabdullaahi Qorshe”

Port Elizabeth South Africa

LEAVE A REPLY

Please enter your comment!
Please enter your name here