Ku dhawaad 500 oo arday oo maanta ka qalin jabisay Jaamacadda Soomaaliya

651

Xafladda oo ay ku qalin jabinayeen 479 arday oo dhameysatay Digreega koowaad ee Jaamacadda Soomaaliya kuliyadaha kala duwan ayaa lagu qabtay xarunta Jaamacadu ku leedahay degmada Howlwadaag ee gobolka Banaadir waxaana ka qayb galay maamulka saree Ee Jaamacadda waalidiinta qalinjabiyaasha iyo marti sharaf lagu casuumay.

Guddoomiyaha Jaamacadda Soomaaliya Dr Ismaaciil Cali Siyaad oo khudbad ka jeediyay xafladaan sida wanaagsan loo qaban qaabiyay ayaa waxaa uu dardaaran siiyay ardayda qalin jabisay oo uu u soo jeediyay in ay aqoontooda ugu adeegaan dalka iyo dadka.

“Waxaan rabaa in aan halkaan kula dar daarmo ardayda qalin badalaneysa waxaad maanta dhameyseen digreega koowaad sii wada barashada cilmiga dadaalkiina badiya bulshadana ugu adeega cilmiga la idin baray dalkana hormar kiisa ka qayb qaata in dalka laga yaaco dal shisheeye la aado muhiimadu maahan dalkeenu waa kana an hormarsano”ayuu yiri Dr Ismaaciil.

Guddoomiyaha Boardka Jaamacadda Soomaaliya Prof Maxamed Macalin ayaa dhankiisu bogaadiyay ardayda Jaamacadda si gaar ah kuwa qalin jabiyay waxaana kuu u sheegay in ay yihiin mustaqbalka ifaya ee dalka.

“Dhalinyarada hablaha iyo wiilasha isugu jira ee quruxda badan waxaad ogaataan waxaad tihiin mustaqbalkii dalkaan waxaad ka qayb qaadataan hormarka dalka waxaa astaan u noqo kartaan wajiga soo kabashada dalka” ayuu yiri. Prof Maxamed

Ugu dambeyntiin qaar ka mid ah ardayda ayaa la hadlay tv ga qaranka waxaana ay muujiyeen sida ay ugu faraxsan yihiin ka mira dhalinta dadaalkii dheeraa ee ay soo sameeyeen.

 

Did you like this? Share it:

LEAVE A REPLY

Please enter your comment!
Please enter your name here