Xaflad qalin jebin ah oo loo qabtay arday dhameysatay heerka 1aad ee Jaamacadda “SAWIRRO”

Xafladan qalan jibinta ah  oo ay ka soo qeybgaleen  xubno ka socday golaha  abwaanada Soomaaliyeed, maamulka iyo macalimiinta Jaamacadda Soomaaliya, ardeyda, waladiin iyo marti sharaf  kale ayaa lagu qabtay magaalada Muqdisho, aydoo ay qalan  jibiyeen ku dhawaaad  80 arday oo dhameestay darajada koowaad  ee Jaamacadda.

Qaar  ka mid ah mas’uuliyiinta ka hadlay madasha ayaa waxay farxadda la qeybsadeen ardeyda  dadaalka muda ku jirtay ee dhanka waxbarshada waxayna ku dhiirageliyeen in ay hore u sii wadaan dadaalkooda  waxbarshada aysan halkaasi ku ekaanin .

Maxamed Muuse Mataan oo ku hadlayay  magaca Jaamacadda iyo macalimiinta ayaa  ardeyda  dhameeystay Jaamcadda ee fasalka  12C ayaa ugu hambalyeeyay dadaalkooda ay ku jireen mudada dheeraa, waxaana u rajeynayaa inay sii wadaan waxbarashadooda.

Guddoomiyaha  golaha abwaanada Soomaaliyeed Abwaan Maxamuud  Cabdillaahi Ciise “Singub” ayaa  isagoo qiiraysan ardeyda kula dar daaramayay in dadkooda iyo dalkooda ay wax u qabtaan, uuna ku faraxsanyahay ka qeyb galka xafladdan.

Nashaad Bashiir Axmed  oo ka mid ahayd ardeydii  ka qalin jabisay sanadkan Jaamcada Soomaaliyeed ayaa ka warbaxisay  marxaladdii kala duwanaa ee  wax ku soo baratay Jaamacadda, iyadoo mahadcelin u jeedisay dadkii kala duwanaa ee gacanta ku siyay waxbarashada.

Qaar ka mid ah ardayda qalin jebineysay ayaa la guddoonsiiyay shahaadooyin ay ku muteysteen anshax wanaag inta ay Jaamacadda dhiganayeen.

DSC05184 DSC05189 DSC05191 DSC05196 DSC05197 DSC05203 DSC05204 DSC05205 DSC05206 DSC05209 DSC05214 DSC05221 DSC05223 DSC05233 DSC05238 DSC05240 DSC05243 DSC05245 DSC05250 DSC05252 DSC05260 DSC05261 DSC05266 DSC05269 DSC05270 DSC05271 DSC05279 DSC05281 DSC05285 DSC05296 DSC05298

Sawir Qaade:- Farxaan Suleymaan Daahir