Ku-simaha Madaxweynaha Galmudug oo kormeeray goobaha ay ciidanka xoogga dalka ka howlgalaan “SAWIRRO”

Ku-simaha Madaxweynaha ahna Madaxweyne kuxigeenka Galmudug Cali Ciid oo ay wehliyaan mas’uuliyiin kale ayaa manta booqday jiidda hore ee uu ka socdo dagaal looga sifaynayo Al-Shabaab deegaannada ay ka joogaan Galmudug.

Ku-simaha Madaxweynaha Galmudg  iyo wafdigiisa oo kulan kooban la qaatey Taliyaha Ciidamada Xoogga Dalka Jeneraal Odawaa Yuusuf Raage iyo saraakiisha kale ee Ciidamada ayaa ku wareejiyay sahay isugu jirta Timir, Buskut, biyo iyo caano, waxana uu u balanqaaday ciidamada in aysan kala joogsan doonin taageerada la siinayo.

Ciidamada Xoogga Dalka ayaa ku howlan sidii maleeshiyada Al-Shabaab looga xoreyn lahaa deegannada ay dhuumaaleysiga ku joogaan ee Galmudug, oo haatan maleeshiyada ku sugan ay soo food saartay baqdin xooggan iyo argagax ay dadku soo wariyeen in ay kasii firxanayaan goobihii ay daganaayeen ee faro ku tiriska ahaa.

 

LEAVE A REPLY

Please enter your comment!
Please enter your name here