Ku-simaha R/wasaaraha”Shirka waxaan hor dhignay siyaasadda amniga qaranka”

0
1071

Shirkan ku saabsan horumarinta amniga oo uu shir guddoominayay Ku-simaha Ra’iisul wasaaraha ahna Ra’iisul Wasaare ku-xigeenka Xukuumadda Federaalka ah ee Soomaaliya Mudane Maxamed Cumar Carte ayna ka qeyb galeen Wasiirkada Difaaca iyo Maaliyadda ee Xukumadda, taliyeyaasha ciidamada qalabka sida, xubno ka socday dowlad goboleedyada dalka, safiirada Midowga Yurub, Mareykanka, Britain, Talyaaniga, Turkiga iyo diblomaasiyiin  kale, ayaa maanta lagu qabtay Muqdisho, kaasi oo diiradda lagu saaray horumarada xagga amniga ah ee ka jirta Soomaaliya.

Kulanka oo ah mid bile ah ayaa inta uu socday waxaa ay dowladda Soomaaliya ku soo bandhigtay siyaasadda amniga Qaranka, iyadoo wakiilada beesha caalamka ee shirka ka qeybgalay ay aad ugu riyaaqeen hanaanka siyaadadda amniga Qaranka ee uu soo bandhigay Ra’iisul wasaare ku-xigeenka dalka.

Ku-simaha Ra’iisul wasaaraah Mudane Maxamed Cumar Carte oo la hadlay Warbaahinta Qaranka kulanka kadib ayaa sheegay in shirka la isku soo hadal qaaday sidii loo tayayn lahaa ciidamada qalabka sida, gaar ahaan xoogga dalka iyo ciidanka badda.

Ra’iisul wasaare ku-xigeenka Soomaaliya Mudane Maxamed Cumar Carte Qaalib ayaa hoosta ka xariiqay in shirka ay hor dhigeen siyaasadda Amniga Qaranka, taasi oo sahleysa in horumar wanaagsan laga gaaro amniga, isla markaana guud ahaan dalka laga ciribtiro maleeshiyada Al-Shabaab.

Dhanka kale Ra’iisul wasaare ku-xigeenka Xukuumadda Soomaaliya Mudane Maxamed Cumar Carte oo uu wehliyo Wasiirka Maaliyadda ee Soomaaliya waxa ay kormeer howleed ku tegeen dekada Caalamiga ah ee Muqdisho, halkaasi oo shalay ay saameysay mowjado badda ka yimid, waxaana ay warbixino ka dhageysteen maareeyaha dekadda oo madaxda u sharxay sida ay u saameysay dabeylihii shalay ka kacay dekadda Muqdisho,

 

 

Did you like this? Share it:

LEAVE A REPLY

Please enter your comment!
Please enter your name here