Ku_xigeenka Ra’isulwasaaraha iyo safiiro ka qeybgalay maalinta agoonta Islaamka

969

Munaasabadan oo loogu dabaal degayay maalinta ay wadamada Muslimiintu u aqoonsadeen maalinta agoonta oo ku began 15ka bisha Ramadaan oo maanta ah ayaa waxaa lagu qabtay magaalada Muqdisho iyadoo ay ka qeybgaleen kuxigeenka Ra’isulwasaaraha Soomaliya Maxamed Cumar Carte,wasiirka haweenka iyo xuquuqda aadanaha iyo danjirayaasha dalalka Qatar,Sudan,Yemen,iyo Chaina u jooga Soomaaliya.

Munaasbaadan ayaa waxaa ugu horeyn ka hadlay wakiilka Ururka iskaashiga Islaamka u jooga Soomaaliya oo sheegay in ururkoodu uu sameyn doono dallad ay ku mideysanyihiin agoonta Soomaaliyeed si wax loogu qabto loona horumariyo noloshooda.

Ra’isulwasaare kuxigeenka xukuumadda federaalka Soomaaliya Maxamed Cumar Carte oo munaasabadda ka hadlay ayaa hambalyo u diray dhamaan agoonta muslimiinta oo ay kuwa Soomaaliyeed kujiraan isagoo sheegay in dowladda Soomaaliya ay garwaaqsantahay in daryeel joogto ah ay helaan agoonta Soomaaliyeed islamarkaana ay xukuumaddu dejin doonto qorshe daryeel joogta ah ay ku helaan caruurta agoonta ah ee Soomaaliyeed,kaas oo damaanad qaadaya xuquuqda ay agoontu leeyihiin oo dhameystiran.

Dalalka Islaamka ayaa u aqoonsaday maanta oo kale inay noqoto maalinta agoonta islaamka iyadoo dalalka Muslimka ahna laga weyneeyo islamarkaana la caawiyo agoonta ku nool.

Did you like this? Share it:

LEAVE A REPLY

Please enter your comment!
Please enter your name here