Kudhawaad shan boqol oo qof lagu soo qabtay howl-gal laga sameeyay Xamarweyne-DHAGAYSO

1955

Ciidamada ammaanka oo kaashanaya ciidamada booliska ee AMISOM ayaa howl gal ay ka sameeyeen degmada Xamarweyne ku soo qabtay dad ka badan 500 oo qof oo la tuhunsan yahay in ay ku jiraan dadka ammaanka lid ku ah.

Guddoomiyaha degmada Xamarweyne Cabdulqaadir Maxamed Cabdulqaadir ayaa Radio Muqdisho u sheegay in dadka la soo qabtay ay ciidamada boolisku baarayaan, kaddibna la sii dayn doono dadka aan dambiga lahayn.

Wuxuu sheegay in macluumaad la helay uu ka dhashay howl-galkani, ayadoo sidoo kale ammaanka magaalada lagu xaqiijinayo. Ciidamada ayaa xiray subaxnimadii hore ee saakay dhammaan waddooyinka ka baxa degmada Xamarweyne si aysan u baxsan kuwa la baadi goobayo.

Saldhigga Afar Irdood ee Booliska ayaa la isugu geeyay dadka la soo qabtay oo isugu qaar la tuhunsan yahay inay Al-Shabaab xiriir la leeyihiin iyo kuwo hub sharci darro ah ku heystay gudaha degmada sida uu xaqiijiyay guddoomiye Cabdulqaadir.

Qeybta hoose ka dhagayso wareysiga guddoomiyaha degmada Xamarweyne

 

Did you like this? Share it:

1 COMMENT

  1. waa wax ay shacabka soomaaliyeed ku farxayaan in dowladu ay ku dadaasho in amniga caasimada la adkeeyo har iyo habeena loo taagnaado sugida amniga, laakiin waxaa wax la yaab leh ah in haldegmo oo xamar ka mid ah hal habeen laga soo qabto 500 oo qof, iyadoo weliba maalmo yar ka hor baaritaan lagu sameeyay isla degmadaas, su,aashuna waxeey tahay halkay ka jirtaa dabacsanaantu?
    waxaa kaloo aan habooneyn in shacabku noqdo mid mar walba qalbiga gacanta ku haayo iyo in ay tuhmo marwalba shacabka dusha ka saarnaato waayo qofkastaahi waxoow leeyahay sharaf ayna waajib tahay in ay dowladu ilaaliso sharafta qofkastoo shacabkaahi ow hugan yahay, waayo hadii ay arintu noqoto markasta in laayska xiro qof qaldan iyo qof aan qaldaneynba taasi waxeey keeneysaa fajwo u dhaxeyso shacabka iyo ciidamada nabada ka shaqeeyo.
    waa waajib in hadii tuhun yimaado baaritaan la sameeyo laakiin waa wax la yaab leh in halmar shan boqol oo qof meel kaliya laga soo wada qabto.
    waxaa kaloo hoos u dhacaayo sumcada caasimada markii maalin walba ay soo yeerto in boqolaal qof lasoo qabtay,sidaas darteed dowlada waxaa haboon ineey arrintaas ilgaara ku fiiriso.
    waxaa kaloo ila wanaagsan in ay dowladu sameyso mashruuc la yiraahdo( degmadaada difaaco ) illaa inta laga hubsanaayo nabada caasimada waxoowna yahay mashruucaanu.

    in la sameeyo degmo kasta oo muqdisho ka mid ah ciidanisugu jiro seddex qaybood .
    1-culumaa u diin aad loo soo xulay xaafadkasta.
    2-dhalinyaro iyagana lagu soo xulay tacliin iyo dhowrsanaan.
    3- ciidamada booliska xaafadaha.
    gudigaan ka kooban seddexdaas qaybood waa in xaafad kastaa ay ka shaqo bilaabaan ayna joogteeyaan howshaas oo ay garab siiyaan hay,ada nabad sugida, waxeey ila tahay hadii xaafadkastaahi ay sidaas u shaqeyso in mar hore la soo af jari lahaa qalalka amni daro ee jiro shacabkuna ay ka badbaadi lahaayeen qabqabashada maalin kasto ah.

    waxaan halkaan ku soo ban dhigayaa figrad ay dowladeeni berisamaadki howl galisay kuna guuleysatay.
    waxaa sanadka mid ah sideetanadii batay tuugo xaafadaha magaalada muqdisho habeenku dadka dhaca geystana dilal iyo dhaawc.
    dowladi waxeey sameeysay qorshe lagu tirtiro aafadaas, waxeey sameeysay xaafadkasta labaatanki guriba ineey u xilsaartay gudi isugu jiro dhalinyarada xaafada iyo dhowr qof oo ka socda degmada iyo booliska xaafadaas ayna isla qabtaan waardiyaha habeenki waxaa kaloo la sameeyay roondo boolis ah oo iyaduna ku wareegeysa xaafadaha oo kolba tuugadii la qabto xabsiyada geynaayay, qorshahaasu waxoow ahaa mid si dhaqso ah loogu guuleystay waayo waxaa howsha ka qayb qaatay dadkii xaafada degenaa.

    waxaan illaahey ka baryaynaa in wadanka illaahey noo dejiyo ummadana illaahey garansiiyo ineey dowlada ku gacansiiyaan dadaalka ay wado. dowladuna waa ineey horumariso markasta la dagaalanaka cadawga ummada soomaaliyeed.

LEAVE A REPLY

Please enter your comment!
Please enter your name here