kulan amniga lagu lafagurayay oo Muqdisho lagu qabtay

0
2515

Waxaa shalay magaalada Muqdisho ee caasimadda Soomaaliya lagu qabtay kulan looga hadlay amniga doorashooyinka dalka, waxaana kulankaasi goob joog ka ahaa guddiga amniga doorashooyinka qaran, guddiga doorashooyinka heer federaal iyo qaar ka mid ah madaxda laamaha amniga dowladda Soomaaliya.

Kulanka ayaa intii uu socday waxaa la isku dhaafsaday aragtiyo kala duwan oo la xiriira amniga doorashooyinka iyo sidii loo heli laa istaraatiijiyad guud oo lagu hago amniga doorashooyinka oo lagu wado in uu ka dhaco gobollo kala duwan.

Guddoomiyaha guddiga doorashooyinka Avv. Sumar Dhageyr ayaa sheegay in loo baahan yahay nidaam guud oo lagu hago amniga doorashooyinka, si looga hortago qatarta kooxaha nabad diidka ee ku howlan carqaladeynta lagu wado in dhawaan ay ka dhacaan gudaha dalka, waxa uuna shacabka Soomaaliyeed ugu baaqay in ay la shaqeeyaan laamaha amniga dowladda si looga hortago wax kasta oo qatar ku ah amniga.

Dhanka kale, qaar ka mid ah madaxda laamaha amniga oo iyana goobta ka hadlay ayaa sheegay in dhankooda ay ku dadaali doonaan sidii loo xaqiijin la haa amniga islamarkaana looga hortagi lahaa dhagarta cadawga ku howlan dhibaateynta shacabka Soomaaliyeed ee aanan waxba galabsan.

Kulankaani ayaa ku soo beegmaya xilli gobollada dalka ay ka socdaan diyaar garowga doorashooyinka dalka oo lagu wado in uu dhawaan ay bilaawdaan.

 

Did you like this? Share it:

LEAVE A REPLY

Please enter your comment!
Please enter your name here