Kulan baroor diiq iyo dhaqaale aruurin ah oo lagu qabtay Nairobi “SAWIRRO”

1912

Kulan lagu cambaareenayay weerarkii lagu qaaday isgoyska Zoobe ee magaalada Muqdisho, isla markaana loogu baroor diiqayay dadka ay waxyeeladu ka soo gaartay ayaa lagu qabtay magaalada Nairobi ee xarrunta wadanka Kenya.

Kulankan oo ka dhacay gudaha safaaradda Soomaaliya ee dalka Kenya, ayaa waxaa ka soo qeybgalay culimaa’udiin, aqoonyahanno, waxgarad, ganacsato, Haween iyo qeybaha kala duwan ee bulshada.

Ujeedada kulanka ayaa aheyd sidii gurmad deg deg ah loogu  sameyn lahaa dadkii ku dhaawacmay weerarkii wuxuushnino 14-kii bishan ka dhacay  Isgoyska Zoobe KM5 ee magaalada Muqdisho.

Sheekh Nuur Baaruud (Gurxan) oo ka mid ah dadka ka qeybgalay kulanka iyo Fardowso Sheekh Xasan ayaa wax laga xumaado ku tilmaamay in dad badan oo shacab ah la xasuuqo, iyagoo ku baaqay in meel looga soo jeesto kooxaha nabad diidka ah.

Sii hayaha safaaradda Soomaaliya ee wadanka Kenya ahna Qunsulka guud ee Safaaradda mudane Cali Maxamed Sheekh (Cali Bagadi) oo isna hadal ka jeediyay goobta ayaa xusay in ka safaarad ahaan ay deeq dhaqaale ah u yaabooheen dadka ay musiibadu ku habsatay, waxaana uu Soomaalida ku nool dalka Kenya ugu baaqay in ay gurmad deg deg ah u fidiyaan walaalahooda ku dhaawacmay weerarkii Isgoyska Zoobe.

In ka badan 200 oo shacab ah ayaa ku dhimatay, tiro intaas ka badanna way ku dhaawacmeen qarax gaari loo adeegsaday oo 14 kii bishan ka dhacay Isgoyska Zoobe ee magaalada Muqdisho, waxaana jirta in qaar ka mid ah dadkii ku dhaawacmay loo qaaday dalka Turkiga, halka kuwa kalena la qaadi doono maalinta berito ah.

Omar Abdi Hassan Nairobi 

Did you like this? Share it:

LEAVE A REPLY

Please enter your comment!
Please enter your name here