Kulan dood wadaag iyo aqoon iswaydaarsi la xariiro sidii loo nooleyn lahaa dalxiiska dalka oo Muqdisho ka dhacay.

Waxaa xalay xarunta Mac-hadka cilmi baarista Hiraal ee magaalada Muqdisho ka dhacay kulan ay yeesheen maamulka iyo howlwadeennada mac-hadka Hiraal oo ugu horeeyo gudoomiyaha iyo aasaasaha mudane Xuseen macallin iyo maamulka Somtex Org.

Kulanka oo ujeedkiisu ahaa dood wadaag iyo aqoon iswaydaarsi ayaa Inta uu socday waxaa maamulka SOMTEX uu uga sheekeeyay taariiqda Dalxiiska Soomaaliya iyo faaiidooyinka uu Dalxiiska u leeyahay kobaca dhaqaalaha iyadoo sidoo kale laga dooday soo noolaynta dalxiiska dalka, sidii kor loogu qaadi karo dalxiisayaasha gudaha iyo dibadda iyo xal u helidda caqabadaha hor taagan dalxiiska Soomaaliya.

Kulanka doodda oo muddo saacado ah qaatay ayaa kusoo dhamaaday jawi farxadeed iyadoo laisla qaatay in qof walba uu SAFIIR u naqdo dalkeenna si aan u badalno sawirka qaldan ee laga bixiyay Soomaaliya lana muujiyo quruxda iyo barwaaqada dalkeenna, dhinaca kale maamulka mac-hadka Hiraal ayaa balan qaaday in ay gacan ka gaysanayaan howlaha cilmi baarista ee la xiriirta arimaha Dalxiiska Soomaaliya.

Ugu dambeyn maamulka SOMTEX ayaa ka mahadceliyay casuumaadda kulanka iyagoo soo jeediyay in la badiyo kulamada iyo doodaha noocaan oo kale ah oo faaiidooyin kala duwan u leh bulshada.

LEAVE A REPLY

Please enter your comment!
Please enter your name here