Kulan Kismaayo lagu qabtay oo looga hadlay sameynta ciidan ka howlgalo doona Jubooyinka

Kulanka looga hadlayay sidii loo sameyn lahaa ciidan isku dhafan oo kooxda nabad diidka ah ka saara deegaanada ay ku sugan yihiin ayaa waxaa ka qeybgalay madaxweynaha dowlad goboleedka Jubaland Axmed Maxamed Islaam (Axmed Madoobe), wakiilka midowga Yurub u qaabilsan Soomaaliya, ergeyga gaarka ah ee midowga Afrika ee Soomaaliya iyo saraakiil kale.

Kulankan maanta lagu qabtay magaalada Kismaayo ayaa markii uu soo idlaaday waxaa saxaafadda la hadlay madaxweynaha maamulka Jubaland Axmed Madoobe, waxaana uu sheegay in loo baahan yahay in si dhaqso leh loo sameeyo ciidan isku dhaf ah oo Soomaaliya ay leedahay si loo helo ciidan Soomaaliyeed oo hanan kara amniga dalka guud ahaan.

Waana kulankii ugu balaaranaa oo looga hadlo howlgalada la filayo in dhowaan laga bilaabo deegaanada ay wali ku harsan yihiin kooxda Al-shabaab oo ka tirsan gobolada Jubooyinka ee koofurta Soomaaliya.

LEAVE A REPLY

Please enter your comment!
Please enter your name here