Kulan Lagu Taageeray La Dagaalanka Ololaha Joojinta Qaadka Oo Muqdisho Lagu Qabtay

1138

Kulankani lagu taageerayay ololaha joojinta cunista qaadka iyo ka hortaga dhibaatooyinka uu bulshada ku hayo ee uu wado Abuukar Cawaale Qaad diid ayaa lagu qabtay magaalada Muqdisho, iyadoo ay ka qeyb galeen odayaal,waxgarad, aqoonyahanno,iyo ardayda wax ka barata Jaamacadda Al-Cimra,  waxaana kulanka soo qaban qaabiyay maamulka jaamacada  Al Cimra.

Kulanka ayaa intii uu socday waxaa  diirada lagu saaray  dhibaatada uu leeyahay cunista qaadka iyo ka ganacsigiisa bulshada Soomaaliyeed,  iyadoo mas’uuliyiintii ka soo qeyb galay kulanka ay  sheegeen in ay si weyn u taageerayaan ololahani lagu joojinayo  cunista qaadka maadaama la aaminsanyahay in dhibaato uu ku hayo horumarka dhaqaalaha dalka.

Nabadoon Faarax Cabdi Guure oo ka hadlay kulanka ayaa kula dardaarmay ardayda wax ka barata jaamacada  caalamiga ah ee Al Cimra in ay  ka  qeyb qaataan wacyigelinta bulshada ee isticmaalka maandooriyaha Qaadka.

Guddoomiyaha la dagaalanka  Qaadka  Abuukar Cawaale Qaad-diid oo ka hadlay  kulanka ayaa  ka sheekeeyay  dhibaatada  uu u leeyahay  qaadka bulshada Soomaaliyeed  Naf iyo maal.

Guddoomiyaha  Jaamacada  Caalamiga ah ee Al Cimra oo ka  hadlay kulanka ayaa  ugu mahadceliyay  Abuukar Cawaale Qaad-diid dadaalka uu ugu jiro sidii loo joojin lahaa cunista qaadka, isagoo ku booriyay ardaydu in ay ka qeyb qaataan  joojinta cunista maandooriyaha qaadaka

“waxa jaadka cuna waxa weeye dadka Soomaalida  iyo dadka  soo raaca waxaana looga qaataa Qarash badan  waxaa qaadka uu ku dambeeyaa  waa dadka Sooomaaliyeed  waxaana rajeyneynaa in ilaahay naga qabto qaadka,  waxaan idiin sheegeynaa oo kale  maalin kasta waxaa la keenaa  diyaardo qaad ah Dalkeena,  waxaana  noo gala qaataa lacago  fara badan oo doolar ah oo dadkeena ay u baahanyihiin marka anigoo ka duulaya barnaamijkani  uu wado Abuukar Qaad-diid  waan taageereynaa” Ayuu yiri Guddoomiyaha Jaamacadda Al Cimra.

Abuukar Cawaale Qaad-diid ayaa dalka ka wada olole uu kaga hortagayo cunista qaadka oo waxyeela ba’an ku haya qoysaska Soomaaliyeed, waxaana maalmihii la soo dhaafay ka scda degmooyinka gobolka Banaadir kulamo lagu xoojinayo islamarkaana lagu taageerayo ololaha la dagaalanka qaadka.

 

Did you like this? Share it:

LEAVE A REPLY

Please enter your comment!
Please enter your name here