Kulan Lagu Taageerayay Go’aanki Dowladda Soomaaliya ay ka qaadatay Wada hadalkii Istanbuul

3349

Kulankani lagu taageerayay go.aankii Dowladda Federaalka ah Ee Soomaaliya ay ka qaadatay wada hadalkii Stanbuul ayaa waxaa ka qayb galay mas’uuliyiin ka tirsan Dowladda Federaalka ah sida Wasiirka Gaadiidka iyo Duulista Hawada Soomaaliya, Xildhibaanno, Madaxweynaha Maamulka Khaatumo, Ururka Haweenka Qaranka, mas’uuliyiin ka socotay qeybaha Bulshada, waxaana lagu qabtay Caasimada dalka ee Muqdisho.

Ka qeyb galayaasha kulanka ayaa waxaa ay aad u bogaadiyeen Madaxda Qaranka Soomaaliya dadaalkooda ku aadan raadinta midnimada umadda Soomaaliyeed,waxaana ay soo jeediyeen in wada hadalada la sii wado.

Madaxweynaha maamulka Khaatumo Cali Khaliif Galeyr oo halkaasi hadal ka jeediyay ayaa sheegay in Shacabka Degaanada maamulka Khaatumo ka soo jeeda dalka iyo dibadda ay taageerayaan talaabada dowladu qaaday.

Xildhibaan Cabdi waaxid Shariif oo isna hadal ka jeediyay halkaasi ayaa ugu baaqay shacabka Gobollada Woqooyi in ay qaataan midnimada Soomaaliya iyo horumarinta dalka.

Wasiirka Gaadiidka iyo Duulista Hawada Soomaaliya Cali Axmed Jaamac Jangali oo isna hadlay ayaa sidoo kale muujiyay sida uu ugu faraxsanyahay in Gobolada woqooyi ay qaataan midnimada.

Did you like this? Share it:

LEAVE A REPLY

Please enter your comment!
Please enter your name here