Kulan lagu xasuunayo Allaha u naxariistee Cali Iimaan iyo Mahad Axmed oo lagu qabtay Muqdisho “SAWIRRO”

Kulankan oo lagu xasuusanayay weerarkii sideed sano ka hor maleeshiyada Al-Shabaab ay ku dileen Allaha u naxariistee Agaasimihii Idaacadii Horn Afric Cali Iimaan Sharma’arke iyo Agaasimihii Idaacadii Capital Voice Mahad Axmed Cilmi, laguna qabtay Muqdisho ayaa waxaa ka qeybgalay ehelada labada Marxuum  iyo Wariyaal u shaqeeya Warbahainta gudaha iyo kuwa Dibadda.

Dhamaan dadkii kulanka ka qeybgalay oo Suxufiyiin u badnaa ayaa laga dareemayay sida ay uga xun yihiin dilalka iyo tacadiyada Wariyaasha Soomaalida ay la kulmaan oo la aaminsan yahay inay aad u bateen kaddib dilkii labadaasi Wariye.

Siyaasiga Xasan Qalaad oo waxbadan ka yaqaanay Cali Iimaan ayaa ku dheeraaday ka sheekeenta wanaaga iyo Taariikhda uu lahaa Marxuumka.

“Walaalkey Cali Iimaan anigu waxaan bartay mudo aad u dheer, waxaan aheyn saraakiil ciidan oo ka baxday kuliyadihii ciidanka, inkastoo uu isaga iga horeeyay, markii damaba uu aaday dibadda, gaar ahaan Mareykanka, wuxuuna Jaamacaihii ka siiwatay Canada iyo Mareykanka intaas kadibna dalka ayuu dib ugu soo laabtay intuu wadanka jogayna waa iska warqabnay”ayuu yiri Xasan Qalaad.

Sidoo kale Cabdi Iimaan Sharma’arke oo walaal la ah Marxuum Cali Iimaan ayaa  mar uu kulanka ka hadlayay waxa uu u mahadceliyay wariyaashii ay soo wada shaqeeyeen Cali Iimaan Sharma’arke iyo kuwii soo qaban qaabiyay kulanka maanta.

“Waxaan u mahadcelinayaa wariyaashii Horn Afric ka baxay iyo kuwaan ka bixin, waxaa taariiq lama iloobana leh oo aan qiraa sanadkasta inay abaaa leeyihiin wiilal iyo gabdhaba wixii ka baxay Horn Afric, dadkii Horn Afric ka baxay mowqifka ay ka qaateen Cali Iimaan iyo carruurtiisa maalintuu dhintay ilaa hada waxaan aaminsnahaay inaana anigu xitaa ka qaadan”ayuu yiri Cabdi Imaan.

Maantoo kale sanadkii 2007- ayay aheyd markii magaalada Muqdisho lagu dilay Agaasimihii idaacaddii Horn Afric Cali Iimaan Sharma’arke iyo Agaasimihii Idaacadii Capital Voice Mahad Axmed Cilmi waxaana la aaminsan yahay in maalintaasi kadib uu aad u batay dilalka iyo tacadiga loo geysto Suxufiyiinta Soomaaliyeed ee gudaha dalka ka shaqeeya.

DSC01279 DSC01285 DSC01286 DSC01287 DSC01288 DSC01291 DSC01293 DSC01294 DSC01300 DSC01307 DSC01312 DSC01315 DSC01317 DSC01318 DSC01320 DSC01322 DSC01324 DSC01325 DSC01342 DSC01345 DSC01350 DSC01351 DSC01365 DSC01368 DSC01372 DSC01378 DSC01381 DSC01384 DSC01399  DSC01403  DSC01411 DSC01412  DSC01419 DSC01422

Sawir Qaade:- Farxaan Suleymaan Daahir

 

 

LEAVE A REPLY

Please enter your comment!
Please enter your name here