Jaaliyadda Soomaaliyeed ee Koofur Afrika oo Aayahooda ka hadlay”Sawirro”

1599

Shir loogu hadlayay wax ka qabashada dhibaatooyinka Soomaalida ayna ka qeybgaleen Ganacsato iyo xubno ka tirsan jaaliyadda Soomaalida ee dalka Koofur Afrika ayaa lagu qabtay magaalada Pretoria ee dalka South Africa.

Kulankan oo looga hadlay sidii loo xallin lahaa  khilaafaadka u dhaxeeya Soomaalida iyo sidii loo heli lahaa midnimo Soomaaliyeed ayaa waxaa hadallo ka jeediyay qaar ka mid ah Ganacsatadii iyo Waxgaradkii ka qeybgalay, iyagoo sheegay in ay u sii gogol xaarayaan Shirweyne lagu wado in loo qabto dhammaan Jaaliyadda Soomaaliyeed ee ku dhaqan K/Afrika bisha may.

Qaar ka mid ah Qabanbaayaashii shirka ayaa sheegay in bilihii ugu dambeyay ay soo badanayeen dhibaatooyinka ay la kulmaan Soomaalida.

Gudoomiyaha guddiga xalliinta khilaafaadka Soomaalida ku nool South Africa C/laahi Axmed Fiidow ( Xabeeb) oo ka mid ahaa dadkii ka hadlay madasha ayaa sheegay in muwaadin walboo Soomaaliyeed iska xilsaaro danta guud iyo sida ay Jaaliyadda u midoobi lahayd.

“Kulankan wuxuu daba socdaa kulumo ay  qeybahaha bulshada dhammaan ku soo yeesheen magaalooyinka ay Soomaalida uga nooshahay K/Afrika, Guddigaan ayaana isku xilsaaray xallinta khilaafaadka iyo mideynta Jaaliyadda Soomaaliyeed ee ku nool dalka Koofur Afrika” ayuu yiri. C/laahi Axmed Fiidow ( Xabeeb)

C/fitaax Sayid Salaad oo ka mid ah Ganacsatadii isu xilsaartay inay Shirkaan qabtaan ayaa  yiri” Shirkaan waxaan ugu talagalnay inaan ugu sii gogol xaarno Shir weyne ay jaaliyaddu yeelanayaan bisha May ee sanadkan, kaas oo loogu hadli doona Aayaha Jaaliyadda”.

Qaar ka mid ah Waxgaradka iyo Ganacsatada Soomaalida ee K/Afrika ayaa muddooyinkii ugu dambeyay waday iska warqabka Soomaalida dhexdeeda iyo sidii loo  xallin lahaayeen khilaafka dhexdooda ah.

12592364_10208900749496599_2398766430195415746_n 12991013_10208900742616427_6275159253395901357_n 12993603_10208900742216417_677405448081241713_n 12998640_10208900749096589_3916323422642788902_n 13000280_10208900747376546_8527267053287603470_n 13051612_10208900744896484_5588751571188537695_n S13061927_10208900748496574_1089139121051042383_n

Sawir qaade C/qaadir Axad

Did you like this? Share it:

LEAVE A REPLY

Please enter your comment!
Please enter your name here