Kulan looga hadlayay adkeynta amniga oo Jowhar lagu qabtay

917

Taliyaha saldhiga Boliiska ee degmada Jowhar ee xarunta gobolka Shabeelaha Dhexe, Maxamed Siyaad “Can-jeex” oo maanta la hadlay warbaahinta qaranka ayaa ka warbixiyay kulan saraakiisha Boliiska ay la yeesheen saraakiil ka tirsan ciidanka Boliiska AMISOM kaas oo looga hadlayay adkeynta ammaanka iyo iskaashi ay yeeshaan labada talis.

Can jeex oo hadalkiisa sii wata ayaa sheegay in kulanka ay saraakiisha labada dhinac isku dhaafsadeen sidii Boliiska AMISOM ay gacan u siin lahaayeen ciidanka Boliiska Soomaaliya gaar ahaan kuwa ka howlgala gobolka Shabeelaha  Dhexe.

“Waxaan isku afgaranay in aan isbuucii hal mar isku nimaadno wada shaqeyno iskana war heyno markastana aan xog kala qaadano si aan iskaga kaashano cadowga”, ayuu yiri Taliyaha.

Taliyaha ayaa sidoo kale waxaa uu sheegay in magaalada aysan wax dhibaato ah ka jirin isla markaana ciidanka amniga ay u diirsan yihiin sidii ay uga hortagi lahaayeen maleeshiyaadka UGUS maadaama ay kordhiyeen falalkooda guracan inta lagu guda jiro bishan barakaysan ee Ramadaan.

Did you like this? Share it:

LEAVE A REPLY

Please enter your comment!
Please enter your name here