Kulan looga Hadlayay Arrimaha Doorashooyinka Xildhibaanada Gollaha shacabka oo maanta Lagu Qabtay Magaalada Gaalkacyo “SAWIRRO”

Guddoomiyaha dagmada Warta Nabbadda ee Goblalka Banaadir Saynab Maxamed Warsame (Saynab Xaabsay)  oo  dhawaan  gaartay Gaalkacyo ayaa maanta kulan kula qadatay  Magaalada Gaalkacyo qaar ka mid ah odayaasha dhaqanka beelaha Gobalka mudug iyo bulshada qeybaheeda kala duwan.

Kulanka oo u jeedkiisu ahaa u  diyaar garoowga doorashada xubnaha Gollaha shacabka Baarlamaanka Federaalka Soomaaliyeed ayaa waxaa  ugu horreyn ka hadlay Guddoomiyaha dagmada Warta Nabbadda ee Goblalka Banaadir Saynab Maxamed Warsame (Saynab Xaabsay) oo ka codsatay odayaasha dhaqanka ineey ku garab istaagaan tartanka loogu jiro doorashada xildhibaanada soo socda ee Gollaha shacabka taas oo ay xustay in  ay dooneeyso inay u tartanto  mid  ka mid ah kuraasta doorashadooda ka dhaceyso Gaalkacyo  .

Odayaashii Dhaqanka ee kulanka ka soo qeyb galay qaar ka mid ah ayaa dhankooda si weyn u soo dhaweeyay codsiga ay usoo jeedisay  Marwo Saynab Maxamed Warsame (Saynab Xaabsay).