Kulan looga hadlayay dar dargelinta amniga oo lagu qabtay Muqdisho “SAWIRRO”

Kulankan looga hadlayay dardar gelinta amniga guud ee gobolka banaadir oo maanta lagu qabtay xarunta tababarka ee loogu magac daray Allaha u naxariistee Hindiya Xaaji oo ku taala qeybta guud Nabad Sugidda Gobolka Banaadir ayaa waxaa ka qeyb galay Wasiir ku xigeenka Wasaaradda Warfaafinta, dhaqanka iyo dalxiiska, Taliyaha Nabad sugida iyo Sirdoonka Qaranka, Guddoomiyaasha degmooyinka gobolka banaadir iyo talisyada qeybaha guud ee booliska iyo nabad sugida gobolka.

Kulanka oo uu furay guddoomiyaha gobolka banaadir ahna duqa magaalada Muqdisho Mudane Yuusuf Xuseen Jimcaale ayaa waxaa uu ka hadlay dhowr arrimood oo ay ka mid yihiin xaalada amni ee caasimadda iyo kaalinta ay shacabka ka qaadan karaan la shaqeynta hay’adaha amniga.

Afhayeenka Maamulka Gobolka Benaadir Cabdifataax Cumar Xalane oo Warbaahinta kulanka kadib la haday ayaa sheegay in kulanka la isku raacay sidii loo xoojin lahaa amniga, isla markaana looga hortagi lahaa dhagarta ay maleegayaan argagixisada Al-Shabaab.

“Waxyaabaha laga hadlay waxaa ka mid ah xagga amniga, ujeedkuna waxa uu ahaa xoojinta iyo wada shaqeynta hay’adaha ammaanka dhexdooda ah, guul ayuuna ku soo dhamaaay” ayu yiri Afhayeenka Gobolka oo hadalkiisa ku daray in 15-ka bisha soo socoto loo qabtay ganacsatada u dhegan boorarka ay ku qoranyihiin afka qalaad.

IMG_1045 IMG_1049  IMG_1057 IMG_1059 IMG_1060 IMG_1064 IMG_1070 IMG_1071 IMG_1072 IMG_1073 IMG_1075 IMG_1079 IMG_1083 IMG_1084 IMG_1086 IMG_1087 IMG_1088 IMG_1096

Sawir Qaade:- Maxamed Cabdullaahi Maxamed Feereysane

 

 

LEAVE A REPLY

Please enter your comment!
Please enter your name here