Kulan looga hadlayay dib u eegista dastuurka oo lagu qabtay Muqdisho “SAWIRRO”

0
1360

Kulankaan oo looga hadlayay sidii Bulshada looga qayb gelin lahaa hanaanka dib u eegista geedi Socodka Dastuurka , waxaa ka qayb galay Wasiirka Dastuurka, Guddoomiyaha Guddiga dib u eegista Dastuurka ee Barlamaanka , Guddoomiyaha Guddiga Madaxa bannaan ee Dastuurka iyo qaybaha Kala duwan ee bulshada rayidka.

Furitaanka shirkaan oo socon doona mudo labo maalina waxaa la isku weydaarsan doona waxka badalka iyo qodobada mudan in dib loo eego ee dastuurka.

Guddoomiyaha guddiga Madaxa banaan ee Dastuurka Maxamad Daahir Afrax oo ka hadlay kulanka ayaa sheegay in ay bulshada shirkaan kasoo qayb gashay ay si hufan usoo gudbiyaan aragtidooda.

“fikradu waa adinka, inagana waxaa nahay farsamo, waxaad noo soo gudbisaan ayaan ka shaqayn doona, marka waa in aad fikir wanaagsan soo gudbisaan, taasna waxa ay horseedi doonta in bulshadu ay hadhoow marka ay codeynayaan ay howshu fududaato”ayuu yiri Maxamed Daahir Guddoomiyaha madaxa Banaan ee dastuurka.

Xildhibaanad Maryan Cariif Guddoomiha Guddiga dib u eegista Dastuurka ee Barlaamaanka  ayaa soo hadal qaaday maqamka Caasimada.

“waxaa dastuur noqonaya waxa aad isla garataan, inagu qayb ayaan ka qadanaynaa, tankale Muqdisho waa in ay heshaa garsoor xaqa, maahan in marwalba wax loo magacaabo” ayay tiri Xildhibaan Maryan

Wsasiirka Dastuurka ee Xukuumadda Federaalka ah ee Soomaaliya Xuseen Maxamuud Sheekh Xuseen oo furay shirka ayaa tilmaamay in aragtida ururrada bulshada ee ku aadan dastuurka in uu yahay mid aad muhiim u ah.

“Waajibka  Wasaaradda Dastuurka waxa uu yahay in bulshada ay la tashato oo aragtidooda ay uruuriso, waxna ka qabato si loo helo wax xaq iyo xalaala, idinkuna waa in aad qayb ka qadataan hadaa dhihi jirteen Waxaan rabnaa inaa gudbino fikirkeena waa tanaa hada fursad ayaan idin siinay” ayuu yiri Wasiirka Dastuurka.

DSC_1386 DSC_1388 DSC_1430 DSC_1449 DSC_1482 DSC_1489 DSC_1501 DSC_1509 DSC_1514 DSC_1534 DSC_1545 DSC_1562 DSC_1596 DSC_1628 DSC_1655 DSC_1681

 

Did you like this? Share it:

LEAVE A REPLY

Please enter your comment!
Please enter your name here