Kulan Looga hadlayay Mustaqbalka Horumarinta Dhalinyarada Soomaaliyeed oo Lagu Qabtay Nairobi”Sawirro”

0
1510

Kulankan oo uu soo qaban qaabiyey Axmed Al-Hendaawi ergayga gaarka ah ee xoghayaha Qaramada Midoobay u qaabisan arrimaha dhallinyarada ayaa waxaa kasoo qayb galay Wasiirka Wasaaradda dhallinyarada iyo cayaaraha ee Xukuumadda Federaalka ah ee Soomaaliya iyo Wasiirada dhallinyarada ee maamulada Puntland Jubbaland iyo Koonfur Galbeed.

Waxaa sidoo kale kulankan goob joog ka ahaa xubno matalayey hay’adaha Qaramada Midoobay iyo Ururrada dhallinyarada rayidka ah, waxaana la iskula soo qaaday sidii la isula meel dhigi lahaa ajandayaal lagu horumarinayo dhallinyarada, waxaana fikradahooda la dhagaystay dhamaanba Wasiiradii ka qayb galay kulanka, iyadoo ugu dambayntiina uu khudbad dheer halkaasi kaso jeediyey ergayga gaarka ee xoghayaha qaramada midoobay u qaabilsan arrimaha dhalinyarada.

Markii uu soo idlaaday kulankan ayaa warbaahinta uga warbixiyey Wasiirka Wasaaradda dhallinyarada iyo Isboortiga Mudane Maxamed Cabdullaahi Xasan ( Nuux ) waxana uu sheegay in Soomaaliya ay shirkan la tagtay siyaasad cad oo ku wajahan sida loogu jiheyn lahaa dhallinyarada Soomaaliyeed dhanka horumarka, isla markaana loogu abuuri lahaa fursado shaqo.

Kulankan ayaa daba socda kulamo dhawr ah oo lagaga arinsanayey horumarinta dhallinyarada Soomaaliyeed oo ay horay u yeesheen intabadan dhinacyada kasoo qayb galay, kuwaasi oo lagu qabtay gudaha dalka Soomaaliya.

IMG_0001 IMG_0003 IMG_0004 IMG_0008 IMG_0010 IMG_0011 IMG_0012 IMG_0013 IMG_0027 IMG_0028 IMG_0029 IMG_0031 IMG_0037 IMG_00041 IMG_0046 IMG_0055 IMG_0059 IMG_00381 IMG_00401 IMG_00451 IMG_00471 IMG_00701

Sawir qaade:-C/raxmaan Cumar Cabdi(Somali)

 

Did you like this? Share it:

LEAVE A REPLY

Please enter your comment!
Please enter your name here