Kulan looga hadlayay qoondada Haweenka oo lagu qabtay Jowhar “SAWIRRO”

Kulankaani oo u dhexeeyay Wasaaradaha Haweenka iyo xaquuqul Insaanka Heer Federaal iyo Heer Maamul Gobaleed iyo Waxgarad ka soo jeeda deegaannada dowlad Gobaleedka Hirshabeelle, ayna ka qeyb galeen Xildhibaanno ka tirsan Baarlamaanka Federaalka Soomaaliya oo deegaan doorashadoodu ay tahay Hirshabeelle ayaa looga hadlay sidii haweenku u heli lahaayeen koontada ay ku leeyihiin Baarlamaanka ee ah 30%.

Waxgaradkii kulanka ka soo qaybgalay ayaa haweenka u tilmaamay inay muhiimtahay in la ilaaliyo qoondada haweenka, waxayna sheegeen dhankooda ay diyaar u yihiin xaqiijinta xaquuqda haweenka.

Wasiiru dowlaha Wasaaradda Haweenka iyo Xaquul Insaanka ee dowlad Goboleedka Hirshabeelle Marwo Sacdiyo Maxamed Nuur, ku amaantay Wasaaradda Haween ka iyo xaquuquk insaanka .ee Xukuumadda Federaalka Soomaaliya dadaallada ku aadan horumarka Haweenka ay la doonayaan.

Xildhibaan Faadumo Farax Ibraahim iyo Xildhibaan Farxiyo Maxamuud Dhaqane oo ka mid ah Golaha Shacabka ee Baarlamaanka Federaalka Soomaaliya ayaa si wada jir ah odayaasha dhaqanka uga codsaday inay gacan ku siiyaan siddii haweenku uga qayb qaadan la haayeen hogaanka dalka.

Wasiir ku-xigeenka Wasaaradda Haweenka iyo Xaquuqul Aadanaha ee Xukuumadda Federaalka Soomaaliya Marwo Xiis Xasan Aadan ayaa madaxda sare ee dalka ka dalbatay in haweenku gacan lagu siiyo sidii ay ku heli lahaayeen qoondada ay ku leeyihiin dowladda.

LEAVE A REPLY

Please enter your comment!
Please enter your name here