Kulan Looga Hadlayay Wax Ka Badalka Hindise Sharciyeedka Dhulalka Oo Lagu Qabtay Baydhabo

Kulankan oo ahaa mid dib u eegis loogu sameynayo Hindise sharciyeedka sharciga dhulalka oo ay soo diyaarisey Wasaaradda Howlaha guud iyo dib-u-dhiska Koonfur Galbeed ayaa lagu qabtey magaalada Baydhabo ee xarunta Gobolka Baay.

Shirkan waxaa ka qeyb galay qaar ka mid ah bulshada rayidka, guddiyo ka socdey Baarlamaanka Koonfur Galbeed, Agaasimayal ka socdey Wasaaradaha, .Maamulka Gobolka Baay iyo Mas’uuliyiinta Wasaaradda howlaha guud iyo dib-u-dhiska Koonfur Galbeed oo sharcigan soo diyaariyey

Sharciga dhulalka oo ay soo meelmariyeen Golaha Wasiirada Koonfur Galbeed hadana horyaalla Barlamaanka ayaa ah mid xadidaya isqab qabsigii dhulalka, lahaanshiyaha dhulalka iyo dhibaatooyinkii ka imaan jirey

Cusmaan Buulle Guddoomiyaha Guddiga Amniga, dib-u-dhiska iyo horumarinta reer miyaga ee Baarlamaanka Koonfur Galbeed iyo Guddoomiyaha Gobolka Baay Cali Wardheere Dooyow ayaa waxa ay isbar bardhig ku sameeyeen sida ay muhiim u tahay in lahelo ugu horeyn sharciyada iyo xeerar kala saaraya isqabqabsiga dhulalka,  ayna ku howlanyihiin in sharcigan la dhameystiro oo uu Baarlamanka ansixiyo

Maxamed Cali Colow ku-simaha Wasiirka Howlaha Guud ee Dowlad Goboleedka Koonfur Galbeed ahna Wasiir ku-xigeenka Wasaaradda ayaa sheegey in sharcigan faa’iido badan laga dhaxli doona, maadaama dhibaatooyinka ugu badan ee xiligan jira ay ka dhashaan isqab-qabsiga dhulalka

 

 

LEAVE A REPLY

Please enter your comment!
Please enter your name here