Kulan looga soo horjeeday mowshinka laga keenay madaxweynaha oo lagu qabtay Muqdisho

Kulan looga soo horjeeday mowshin ay mudanayaal ka tirsan Baarlamanka ka keeneen madaxweynaha J. F. S. oo maanta lagu qabtay magaalada Muqdisho.

Munaasabad balaaran oo ay ka qeybgaleen madaxda ururada Bulshada rayidka iyo dadweyne aad u farabadan oo ku nool magaalada Muqdisho  ayaa looga soo horjeeday  Mooshinka ay Mudanayaal ka tirsan  barlamaanka Soomaliya ka geeyen madaxweynaha.

Dadkii ka hadlay munaasabaddaasi ayaa muujiyay sida ay uga soo horjeedaan mowshinkaasi, iyagoo xusay in marxaladda dalku marayo aysan ku habooneeyn  khilaaf iyo isqab qabsi siyaasadeed, waxeyna ku booriyeen mudanayaasha baarlamanka iney wax kasta ka hormariyaan danaha iyo maslaxadda ummadda Soomaaliyeed.

Gudoomiyaha ururka haweenka gobalka Banaadir Jawaahir Baarqab oo munaasadda ka hadashay ayaa Tilmaantay in haatan uu dalka ka soo kabsanayo Dagaalladi sokeeye sidaasi darteedna shacabka iyo Dowlada laga doonayo in ay iska kaashadan nabadda iyo hormarinta dalka.

Sidoo kale gudoomiye kuxigeenka ururka haweenka  Qaranka Canab Xasan Cilmi oo ka hadashay munaasada ayaa sheegtay in mowqifka ummadda Soomaliyed ay tahay hiigsiga dalka ee 2016-ka iyo sidii qarannimada Soomaliya loo sii xoojin lahaay.

 

LEAVE A REPLY

Please enter your comment!
Please enter your name here