Kulan Su’aallo lagu weydiinayo Ra’iisul Wasaaraha oo xalay lagu qabtay xarunta Villa Hargeysa

2902

Guddiyada Difaaca, Arrimaha Gudaha iyo Ammaanka ee Golaha shacabka ayaa xalay kulan su’aalo lagu weydiinayo xarunta Villa Hargeysa kula yeeshay Ra’iisul Wasaaraha Soomaaliya Mudane Xasan Cali Kheyre iyo Wasiirka Gaashaandhigga Soomaaliya Mudane Cabdirashiid Cabdullaahi Maxamed, kaa oo  ay ku waydiinyeen  su’allo ku aadan qaab dhismeedka  Amniga Qaranka, dhismaha ciidanka iyo tayeynta Ciidanka Xoogga Dalka .

Kulanka waxaa shir Guddoominayay Ku simaha Madadweynaha Dalka ahna Guddoomiyaha Golaha Shacabka Mudane Maxamed Sheekh Cusmaan “Jawaari” uu goob joog ka ahaa Guddoomiye ku-xigeenka koowaad ee golaha shacabka Mudane Cabdiweli Sheekh Ibraahim Muudeey.

Su’allaha  ugu  muhiimsanaa ee Ra’iisul Wasaaraha ay waydiiyen Xildhibaannada waxaa  ka mid ah   dhismaha  ciidanka xoogga dalka  oo qaab dhismeedka Amniga Qaranka lagu qorsheeyay in muddo lix bil lagu dhiso ugu yaraan 18 kun, balse  ay  Xildhibanada qaar u fahmeen in  tarida  guud ee ciidanka laga dhigayo 18 kun oo askari.

Ra’iisul Wasaare Kheyre ayaa  dhamaan uga jawaabay Su’aalihi ay waydiiyeen  Mudanayasha  golaha shacabka  ee ku jira labada Guddi, waxaana uu u cadeeyey  in ciidanka Xoogga dalka  aan loo qorshayn  in laga dhigo  18 kun , dowladda Soomaaliya ay ka  go’an tahay  tayeynta ciidanka  Qaranka , taas oo ay aad ugu farxeen Xildhibaanadda, uguna hambalyeeyeen  Qorshaha Xukumadda ee tayeynta ciidanka  hadda jooga iyo dhismaha ciidan cusub oo qayb ka noqonaya Difaaca  Qaranimada Soomaaliya.

Wasiirka Wasaaradda Gaashandhigga ee Xukumadda Federaalka Soomaaliya Mudane Cabdirashiid Cabdullahi Maxamed oo la hadlay Warbaahinta Qaranka ayaa sheegay  in 18 kun ciidan ay yihiin kuwa dowladaha saaxiibka ah dowladda Soomaaliya ay ka caawinayaan xagga mushaarka, waxaana uu intaa ku daray in dowladdu ay iminka bixiso musharaadka in ka badan 24 kun oo ciidan.

“Ciidanka 18 kun waa ciidan ay naga caawinayaan dowladaha saaxiibka la ah Sooamaliya, mana ahan in ciidamada dhamaan lagu soo koobayo 18 kun, balse ay dowladda qorsheyneyso inay ciidanka balaariso” ayuu yiri Wasiirka Gaashaandhigga.

Did you like this? Share it:

LEAVE A REPLY

Please enter your comment!
Please enter your name here