Kulan wadatshi ah oo looga hadlayay maareeynta qashinka degmooyinka Galmudug oo Dhuusamareeb Lagu qabtay “SAWIRRO”

Wasaaradda arrimaha guddaha, federaalka & dib u heshiisiinta ee dawlad goboleedka Galmudug oo kaashanaysa hay’adda UN-Habitat/JPLG ayaa soo qaban qaabiyey kulan isugu jiray wadatashi iyo ansixin ee xeer hoosaadka maareynta qashinka ee dhamaan degmooyinka dawlad goboleedka Galmudug.

Madasha kulanka ayaa waxaa lagu qabtay magaalada Dhuusamareeb ee caasimada dawlad goboleedka Galmudug, waxaana kasoo qeybgalay mas’uuliyiin isugu jiray heer degmo iyo heer dawlad goboleed, iyadoo ujeedadu ay ahayd ka doodida iyo ansixinta xeerka maareynta qashinka si loo helo xeer lagu maareeyo qashinka iyo faya-dhowrka magaalooyinka, laguna horumariyo bilicda gobolada iyo degmooyinka Galmudug.

Dood cilmiyeed dheer kadib, dhamaan kasoo qeybgalayaashii waxa ay kulankii ku ansixiyeen nuqulka xeer hoosaadka maareynta qashinka ee dawlad goboleedka Galmudug.

 

LEAVE A REPLY

Please enter your comment!
Please enter your name here