Kulanka Hogaamiyayaasha Afrika ee Addis Ababa oo hadallo kulul laga Jeediyay

kullanka 26-naad ee madaxda Midowga Afrika oo ka socda Waddanka Itoobiya ayaa hadal kala duwan laga jeediyay kuwaas oo dhammaantooda ku saabsan baahiyaha Afrika ee la xiriira, amniga, Horumarka dalalka Afrika.

Hogaamiyayaasha ilaa hada ka hadlay kulanka waxaa ka mid ah, Madaxweynaha Zimbabwe Robert Mugabe oo ka hadlay arrimo ay ka mid yihiin sinaan la’aan ka jirto gollaha ammaanka ee Qaramada Midoobeey taas oo uu ku macneeyay in aaney Africa u ogoleyn xubin joogta ah in laga siiyo Afrika.

Madaxweynahe Robert Mugabe ayaa sheegay in Africa loo baahan yahay in ay isku tashato, kana baxdo UN ka haddaanan loo ogolaan xubin joogta ah.

Mugabe oo wareejiyey xilka guddoominaya nimada midowga Afrika ayaa waxa uu ku celceliyey in loo baahanyahay in laga shaqeeeyo cadaaladda iyo sinaanta, waxaa uuna ka hadlay faragelin uu sheegay in reer galbeedka ku hayaan wadamada Afrika.

Kullankan waxa sidoo kale ka hadlay xoghayaha guud ee Qaramada Midoobeey, Ban Ki-moon oo ku dheeraaday muhiimadda ay leedahay in madaxda Afrika ixtiraamaan mudada dastuurka u ogolyahay in ay xilka hayaan.

Ban ki moon oo khudbadiisi ugu dambeeysay ka jeediyey kulanka midowga afrika ayaa waxa uu xusay in 17 waddan oo Afrika ah sanadkan ay ka dhici doonto doorasho, waxaa uuna ku booriyey hoggaamiyaasha afrika in ay ilaaliyaan dastuurka oo aanay dulduleelada jiray u adeegsan in ay wadamada ka dhaliyaan rabshado.

Burundi oo ka mid ah wadmada arrimahooda la falanqeynayo ayaa mushkilada ka taagan waxa ay ka dhalatay madaxweynaha dalkaas uu isu soo sharaxay xilka madaxweyananimo mar sadexaad, taas oo sababtay in dalka ay rabshado ka dhacaan.

Dalka South Sudan ayaa ka mid ah arrimaa laga shirayo halkaas oo is qabqabsi dhinaca awooda ah uu horseeday isku dhacyo sababay dhimasho iyo bara kac xooggan.

Dhinaca kale madaxweynaha Chad, Idris Deb ayaa loo doortay in uu noqdo gudoomiayaha midowga afrika sanadkan 2016, waxa uuna xilka kala wareegay madaxaweynaha Zimbabwe Robert Mugabe.

 

LEAVE A REPLY

Please enter your comment!
Please enter your name here