Kulankii Baarlamaanka Ee Su’aallo Weeydiinta Ammaanka Oo Caawa Soo Gebageboobay

Fiidnimada caawa waxaa si rasmi ah usoo gebageboobay kulan ay albaabadu u xirnaayeen oo Xildhibaannada Baarlamaanka su’aallo ku saabsan ammaanka dalka ku weeydiinayeen Ra’isulwasaaraha Xukuumadda Federaalka Soomaaliya Mudane Cumar C/rashiid Cali Sharma’arke oo ay wehliyeen xubno ka tirsan Golaha Wasiirrada iyo Taliyeyaasha Ciidammada Qalabka Sida ee Soomaaliya qaarkood.

Kulanka Baarlamaanka ee maanta ayaa daba socday kulan ay maalinnimadii shalay sidan oo kale Xildhibaannadu su’aallo weeydiin ugu soo bilaabeen waxaana maanta su’aallahooda dhiibtay in ka badan 20 Xildhibaan oo aan shalay su’aallo iyo fikir toona dhiiban amaba waqtigu ka dhacay.

Jawaabaha su’aallaha waxaa Xildhibaannada siinayey Ra’isulwasaare Cumar C/rashiid Cali Sharma’arke, Wasiirka amniga gudaha Mudane C/risaaq Cumar Maxamed iyo Taliyaha hay’adda nabad sugidda iyo sirdoonka Qaranka Soomaaliyeed General C/raxmaan Tuuryare.

Sida la shaaciyey gebagebada shirka oo ay abaare 07:00 fiidnimo ee caawa waxaa laga filayaa Guddoonka Baarlamaanka Federaalka Soomaaliya in maalinnimada sabtida ah ee soo socota hadii uu Alle idmo ay ka shaaciyaan kulanka Baarlamaanka natiijada su’aallo weeydiintan labada cisho socotay ayadoo loo shaacin si qaraar Baarlamaani ah.

 

LEAVE A REPLY

Please enter your comment!
Please enter your name here