Kumaandooska DANAB oo Argagixisada Al-Shabaab ka saaray Deegaanno ka tirsan Gobolka Jubadda Hoose “SAWIRRO”

Ciidamadda Kumaandooska Xoogga Dalka ee DANAB ayaa maleeshiyaadka Al-Shabaab ka saaray Degaanno ka tirsan Gobolka Jubadda Hoose, kaddib howlgal qorsheysan oo ciidamada ay ka sameeyeen deegaanno hoos yimaado degmooyinka Kismaayo iyo Jammaame ee gobolka Jubadda Hoose.

Kumaandooska ayaa howlgalkaan kula wareegay  tuulooyinka Xawaaljiri, Bernasey, Yaaqbishaar iyo Cusbo, kuwaas oo gabi ahaan cagta mariyay xarumo argagixisada Al-Shabaab ay ku lahaayeen deegaannadaas.

Deegaanada ciidanka DANAB ay la wareegeen ayaa shacabka ku dhaqan waxay dhibaatooyin kala duwan kala kulmi jireen maleeshiyaadka Al-Shabaab, kuwaasi oo ay ka midyihiin boob hantiyadeed iyo kuwa kale oo fara badan.

Taliyaha Ururka 5-aad Guutada 16-aad Kumaandooska DANAB ee xoogga dalka Gaashaanle Xasan Aadan Ciraaqi ayaa Idaacadda Ciidamadda Qalabka Sida u sheegay in howlgalka lagu dilay 6 ka tirsan argagixisada, Isagoo tilmaamay in intii ay howlgalka ku guda jireen ay la kulmeen dad sameeyn ay ku yeesheen dhibaatooyinka argagixisada, kuwaasi oo ay siiyeen cunto, biyo iyo Daawo.

LEAVE A REPLY

Please enter your comment!
Please enter your name here