Kumanaan qaxooti Soomaaliyeed ah oo kasoo laabanaya Dhadhaab

Hay’adda Qaramada Midoobay u qaabbilsan Qaxootiga ee UNHCR ayaa sheegtay in 26,819 oo Qaxooti Soomaaliyeed ah la xaqiijiyay in ay doonayaan in si iskood ah ay ugu laabtaan Dalkooda Hooyo.

Qaramada midoobay Laanteeda Qaxootiga ayaa war bixin Bileedkeedii ay soo saartay Shalay oo Axad ahayd ,waxay ku sheegtay, in 2,525 ay dib u laabteen si madax bannaan, markii laga caawiyay socdaalkooda inta u dhaxaysay 16-ka illaa 30-kii September, kuwaasoo ku safray xagga Dhulka iyo Cirka.

UNHCR, ayaa sidoo kale sheegtay , laga soo billaabo 8-dii December 2014 illaa 30-kii September ee Sanadkan inay Guryo noqdeen 32,949 Qaxooti Soomaaliyeed ah, markii laga Gacan qabtay wadiiqadii ay ku gaari lahaayeen halkii ay ka yimmaaddeen dhowr iyo Labaatan Sana ka hor.

War-bixintan Qaramada midoobay ayaa immanaysa xilli ay qaar ka mid ah hay’adaha samafalku walaac xooggan ka muujinayaan soo laabashada Dadka Soomaaliyeed ee Qaxootiga ku ahaa muddada dheer Xeryaha Dhadhaab ee dalka Kenya.

SONNA/News

LEAVE A REPLY

Please enter your comment!
Please enter your name here