La heystayaal udhashay Dalka Thailand oo maanta laga dhoofiyay Galkacyo “Sawiro”

0
2488

Ajaanibtaan oo ahaa ilaa iyo 4 nin oo ka mid ahaa ajaanib farabadan oo ay kooxo burcad badeed ahi afduub ugu heystaan deegaano ka tirsan Gobalka Mudug ayaa duhurnimadii maanta laga dhoofiyay Garoonka  diyaaradaha OSHACO ee magaalada Galkacyo kadib markii maasuuliyiin ka tirsan Galmudug oo gacan ka helayay Hay’adda ladagaalanka dambiyada
iyo daroogada uqaabilsan qaramada midoobay ee UNODC ay ku guuleeysteen dadaalo dheer iyo wada xajood ay la galeen kooxihii heystay in ay soo daayaan

Afartab udhashay dalka Thailand ayaa gacanta burcad badeed Soomaaliyeed ku jiray 4sano iyo 10bilood oo ay ku heysteen deegaano hoostaga deegaanka Garacad iyo Dagmada xaradheere ee Gobalka Mudug.

Ajaanibtaan ayaa waxaa garoonka diyaardaha OSHACO ee Magaalada Galkacyo ka qaaday diyaarad qaas ah oo ay leeyihiin qaramada midoobay taasoo ay la socdeen saraakiil ka socatay Hay’adda ladagaalanka dambiyada iyo daroogada uqaabilsan qaramada midoobay ee UNODC safiirka dowlada Thailand ufadhiya Dalka Kenya iyo qaar ka mida ehelada 4tan ruux ee ay burcad badeedu mudada dheer xaqdarada ku heysteen.

Agaasimaha xafiiska  la dagaalanka Burcad badeeda Dowlad Gobaleedka Galmudug Abuukaate Cumar Sheekh Cali oo isagu ka mid ahaa masuuliyiintii kaalinta weyn ka qaatay in ajaanibtaan  ay xoriyadooda helaan ayaa sheegay xilli uu warbaahinta kula hadlay gudaha garoonka OSHACO ee magaalada Galkacyo ka hor intii aysan ka ambabixin Ajaanibtaan udhashay Dalka Thailand ee waqtiga dheer afduubka loo heysta. in ay ugaleen dadaal dheer masuuliyiin ka tirsan maamulka Galmudug xafiiska xafiiska  la dagaalanka Burcad badeeda maamulka  Galmudug iyagoo kaashanayay Hay’adda ladagaalanka dambiyada iyo daroogada uqaabilsan qaramada midoobay ee UNOD.

Wuxuu xusay dhibaatooyin iyo caqabado farabadan ay kala kulmeen intii ay socdeen howlaha lagu raadinayay in ajaanibtaan ay helaan xoriyadoodii kuwaasoo ay ka mid ahaayeen in dhowr jeer lagu weeraray meelo ku dhaw dhaw deegaanka camaara ee gobalka mudug oo dadkaasi lagu heystay labadii sano ee udanbeeysay.

Wasiirka wasaarada kaluumeysiga kheyraadka Badda iyo dakadaha Galmudug C/qaadir Cali Jaamaca Qalabxoor oo isna sidoo kale kula hadlay warbaahinta Garoonka ayaa sheegay in aysan marnaba suurta gal noqan laheyn in ajaanibtaan ay xoriyadooda helaan kadib 4sano iyo 10 bilood oo ay ku jireen gacanta kooxo burcad badeed ah haddii aysan gacan ku siin laheyn Hay’adda ladagaalanka dambiyada iyo daroogada uqaabilsan qaramada midoobay ee UNODC isagoo dhinaca kalana ka codsaday Hay’adaasi in ay ka gacan siiyaan Galmudug dhismaha xabsiyo iyo saldhigyo lagu hayo dhalinyaradaka tirsan  kooxaha biurcad badeeda marka lasoo qabto maadaama Galmudug aysan xiligaan ku oolin saldhigyo iyo xabsiyo waaweyn oo lagu hayo maxaabiista.

Inkastoo masuuliyiinta Galmudug iyo kuwa xafiiska la dagaalanka burcad badeeda Galmudug aysan sheegin wax lacag madaxfurasha ah oo la siiyay kooxihii burcad badeedaa ee afduubka u heystay 4tan ruux ee udhashay Dalka Thailand ayaa haddana wararka qaarkood ee laga helayo deegaanadii lagu heystay ajaanibtaan waxa ay sheegayaan in kooxihii
burcad badeeda ahaa la siiyay lacag madax furasha ah oo Gaareeysa ilaa 400’000$ Afar Boqal oo kun oo doolar.

unnamed (1) unnamed (2) unnamed (3) unnamed (4) unnamed (5) unnamed (6) unnamed (7) unnamed

Sawirqaade C/risaaq Maxamed Axmed 

Did you like this? Share it:

LEAVE A REPLY

Please enter your comment!
Please enter your name here