Laba qofood oo ku dhimatay qarax ismiidaamin ah oo ka dhacay dalka Turkiga

0
900

Qarax ismiidaamin ah oo shalay ka dhacay degmada Sultanahmet oo ka tirsan magaalada Istanbul ee dalka Turkiga ayaa lagu soo waramayaa iney ku geeriyoodeen Labo qofood oo u dhashay dalkaasi.

Dadka ku dhimatay qaraxa ayaa la sheegay in ay kala ahaayeen askari ka tirsanaa booliska iyo haweeney ahayd qofka is-miidaamisay..

Weerarkaas ayaa noqonaya kii labaad oo muddo toddobaad gudihiisa lala beegsada ciidanka booliska ee Istanbul.

Maalmo hor ayay ahayd markii kooxda laga mamnuucay dalkaas Turkiga ee loo yaqaan DHKP-C, ay ku weerareen askar boolis ah gudaha magaalada Istambul.

Degmada Sultanahmet, ee uu ka dhacay qaraxii shalay ayaa ah hoyga dalxiiska ee dalka Turkiga, halkaas oo ay ku yaallaan dhismeyaal caan ah oo ay ka mid yihiin Masjidka Buluuga iyo matxafka Aga Sophia.

Did you like this? Share it:

LEAVE A REPLY

Please enter your comment!
Please enter your name here