Lacago la Gudoonsiiyay Arday Aan Awoodin in ay iska Bixiyaan Qarashaadka Iskuulada “Sawirro”

1415

Xildhibaanka laga soo doorto Degmada Kamukunji Yusuuf Xasan Cabdi ayaa lacago loogu Talo galay Ardayda aan Waalidiintooda Awoodin inay bixiyaan lacagaha waxbarashada gudoonsiiyay qaar ka mid ah Iskuulada ku yaala Kamukunji.

Ka dib munaasabad balaaran oo ka dhacday iskuulka Kamukunji Secondary School oo uu soo qaban qaabiyay Sanduuqa Horumarinta deegaanka ee CDF ayaa xildhibanka laga soo doorto degmada kamukunji Yuusuf Xasan Cabdi waxa uu lacago loogu talo galay ardayda aysan waalidiintoodu awoodin lacagaha waxbarashada waxa uu  gudoonsiiyay iskuulada ku yaala degmada kamukunji.

Lacageed oo ay dowlada Kenya ugu talo gashay ardayda  taagta daran  in ay uga bixiso lacagaha dugsiga sare iyo jaamacadaha ayaa waxaa ka faa’ideystay 2900 oo arday oo isugu jira Soomaali iyo kenyaan,kuwasi oo wax ka barta iskuulada ku yaala degmada kamukunji.

Xildhibaan Yuusuf Xasan Cabdi ayaa markii ay munaasabadu soo gabagaboobay waxa uu ka warbixiyay lacagaha uu gudoonsiiyay iskuuladka ee lagu horumarinayo aqoonta waxbarashada ee ardayda aan awoodin in ay iska bixiyaan lacagaha iskuulka.

“Kulankan maanta wuxuu ku saabsanaa caawimaad ay dowlada siiso degmada Kamukunji oo soo marta xafiiska xildhibanka oo aan ugu deeqaynay ardayda dugsiyasda sare iyo jaamacadaha oo waalidiintoodu aanay awoodi karin lacagaha iskuulka,sanadkan siduu u bilowday Kamukunji oo aan madaxda ka ahay 2900 oo arday oo waalidiintooda ay ka liitaan xaga dhaqaalaha ayaan caawinay oo aan 19 milyana oo lacagta Kenya ah”Ayuu yiri Xildhibaan Yuusuf Xasan Cabdi.

“Guud ahaan tan iyo intii aan xildhibanka noqday ilaa 5000 kun oo arday ayaa ka faa’ideysatay mashruucan waxbarashada deeganka Kamukunji ilaa 47 milyana wan ku bixinay iskuulada sare iyo jaamacadaha dalka” Ayuu sii raaciyay xildhibaanka.

Ugu dambeytiina xildhibaan Yuusuf Xasan Cabdi ayaa u ugu baqaay dhammaan ardayda mudan ee lagu cawiyay lacagtan in ay dhameystaan waxbarashadooda.

“Mashruucan xafiiska xildhibanka ayuu ka furan yahay ardaydu waa inay timaadaa ama waalidiintooda ay yimaadan oo ay iska qoraan wixii ka dambeeya guddi ayaa jira raad raac ku sameeya oo dib u soo baara in qofka uu u qalmo in uu helo caawinaadan,ka dibna waa loo yeeraa dugsiyadooda ayaana lacagta loogu shubaa”Ayuu ku soo gabagabeeyay xildhibaanka.

Inkastoo dowlada kenya ay lacagaha waxbarashada ka bixiso qaar ka mid ah ardayda Kamukunji ayaa hadana waxaa jira arday fara badan oo waxbarasho la’aan ku heysato Kenya,kuwaa oo kasoo jeeda qosaska saboolka ah.

1 2 3 4 5 6 7 8 9 10 11 12 13

Sawiro qaade:- C/qaadir Cali Xuseen (Koronto)

Did you like this? Share it:

LEAVE A REPLY

Please enter your comment!
Please enter your name here