Lacago Shaqo Abuur ah oo La Siiyay Dhalinyarada Shaqo La’aanta ah ee Xaafada Islii “Sawirro”

2673

Xildhibanka laga soo doorto Degmada Kamukunji Yuusuf Xasan Cabdi ayaa ka qeyb galay munaasabad ururada dhalinyarada ee dalkani Kenya lagu gudoonsiinayay lacago loogu talo galay in shaqo abuur loogu sameeyo Dhalinyarada shaqo la’aanta ah.

Munasabadani oo ahayd mid ururada dhalinyarada ee degmada Kamukunji lagu gudoonsiinayay lacago loogu talo galay in shaqo abuur loogu sameeyo dhalinyarada oo ay soo qaban qaabisay hay’adda Ukuwezo fund oo ah hay’ad ka shaqeysa sidii ay isku filnaansho u gaari lahaayeen dhalinyarada ayaa waxaa ka qeyb galay Xildhibaan Yuusuf Xasan Cabdi,mas’uuliyiinta hay’adda,ururada dhalinyarada iyo kuwa haweenka ee degmada Kamukunji.

Mashruucan shaqo abuurka loogu sameynayo dhalinyarada ayaa waxaa ka fa’ ideystay 97- ka mid ah urarada dhalinyarada kuwaa oo la gudoonsiiyay lacag gareysa 7.5 milyan oo ah lacagta dalkani Kenya, iyadoo lacagahaasi loogu talo galay in marka ay kusoo shaqeystaan ay dib u soo celiyaan.

Markii ay soo gabagabowday munaasabadda ayaa xildhiban Yuusuf Xasan Cabdi waxa uu ka warbixiyay muhimada uu mashruucan shaqo abuurka u leeyahay urarada dhalinyarada, isagoona ugu baaqay dhalinyarada Soomaaliyeed inay ka faa’ideystaaan shaqo abuurka loo sameynayo dhalinyarada degmada Kamukunji.

“barnaamijkan waaxa uu qeyb ka yahay sanduuq loogu talo galay horumarinta dhalinyarada degmada Kamukunji,anagu waxan nahay degmadii ugu horeysay oo laga fuliyo qeybtii ugu horeysay ee 47-ururro dhalinyaro ah ayaa ka faa’ideystay 7 milyan ayaana ku bixinay maantana waa qeybtii 2-aad 97 urur ayaa ka faa’ideystay,waxana bixinay 7,700,000 K,Shilin”Ayuu yiri Xildhibaan Yuusuf Xasan Caddi.

“Waa mashruuc ay dowlada ugu talo gashay in ay ganacsi ku sameystaan ayna isku horumariyaan,waana mashruuc aad wax uga badali doono dhalinyarada shaqo la’aanta ah ee degmada Kamukunji” Ayuu sii raaciyay Xildhibaanka.

Xildhibaan Yuusuf Xasan Cabdi ku booriyay dhalinyarada Soomaaliyeed inay ka faa ideystaan sanduuqan lagu horumarinayo dhalinyarada shaqo la’aanta ah.

Mashruucani shaqo abuurka loogu samaynayo dhalinyarada ayaa waxa uu qeyb ka yahay dadaalada ay dowlada Kenya ku horumarinayso dhalinyarada si looga hortago in ay ka mid noqdaan kooxaha argagixisada ah.

1 (1) 1 (2) 1 (3) 1 (4) 1 (5) 1 (6) 1 (7) 1 (8) 1 (9) 1 (10) 1 (11) 1 (12) 1 (13) 1 (14) 1 (15)

Sawir qaade:-C/qaadir Cali Xuseen(Koronto)

Did you like this? Share it:

LEAVE A REPLY

Please enter your comment!
Please enter your name here