M.weynaha Dowlad Gobaleedka Puntland:Aad ayaan ugu Faraxsanahay Hormarka Ay Sameyeen Maamulka Iyo Shacabka Gobalka Mudug+Sawirro

Madaxweynaha Dawlad Gobaleedka Puntland Dr.Cabdiweli Maxamed Cali Gaas ayaa maanta siweyn loogu soo dhaweeyey Deegaanada Bacaadweyn,Margeeg, Daarasalaam, Cagaaran iyo magaalo madaxda Gobolka Mudug ee Gaalkacyo.

Soo dhaweynta Madaxweynaha oo siweyn loo diyaariyey ayaaa waxaa ka qeyb-qaatay Wasiiro, Xildhibaano, maamulka Gobolka Mudug,Waxgarad, Haween, Dhalinyaro, Arday iyo masuuliyiin kale duwan, kuwaas oo si hambsami leh uga qeyb qaatay soo dhaweynta Madaxweynaha.

Shacabka oo safnaa Hareeraha waddooyinka ayaa watay Calamada Soomaaliya iyo kan dowlad gobaleedka Puntland,caleemo iyo sawirada M.weyne C.weli Maxamed Cali Gaas, waxaana ay ku dhawaaqayeen Mudane Madaxweyne soo dhawoow iyo hal ku dhigyo kale.

Madaxweynaha ayaa deegaanka Cagaaran xariga kaga soo jaray Goob waxbarasho oo cusub , waxaana uu dadka deegaankaas ku booriyey inay ka qeyb ka noqdaan horumarka dalka ka soconaya , dhankoodana looga baahanyahay wax wada qabsi si horumar loo gaaro.

Madaxweynaha Dawlad Gobaleedka Puntland Dr.Cabdiweli Maxamed Cali Gaas ayaa markii uu gudaha u soo galay Magaalada Gaalkacyo hoygiisa kula hadlay warbaahinta qeybheeda kala duwan, isagoona sheegay in safarkaan shaqo uu ku yimi Gobolka Mudug,  isla mar ahaantaana uu Kormeerayo mashaariicda Dawladda ee ka soconaya Gobolka.

‘’ Muddo waan joogayaa Gobolka maadama aan wakhti badan ka maqnaa , dabcan maamulka Gobolka, ururada bulshada waan is arkaynaa in sha,allah ‘’ Ayuu yiri Madaxweyne Gaas.

Madaxda iyo shacabkii ka qeyb-qaadatay soo dhaweyntiisa ayaa madaxweynuhu u mahadceliyey, waxaana uu ku ammaanay sida hagar la’aaneed ee ay uga qeyb-qaateen horumarka ay gaartay Gobolka Mudug.

IMG_6521 IMG_6546 IMG_6547 IMG_6549 IMG_6555 IMG_6557 IMG_6576 IMG_6598 IMG_6599 IMG_6600 IMG_6605 IMG_6610 IMG_6630 IMG_6666 IMG_6669 IMG_6674 IMG_6675 IMG_6721 IMG_6724 IMG_6737 IMG_6746 IMG_6764 IMG_6820 IMG_6824 IMG_6834 IMG_6845 IMG_6888 IMG_6946 IMG_7011 IMG_7029 IMG_7033 IMG_7040 IMG_7045 IMG_7046 IMG_7047 IMG_7051 IMG_7087 IMG_7118 IMG_7130 IMG_7137 IMG_7139 IMG_7150 IMG_7174 IMG_7182 IMG_7201 IMG_7206 IMG_7210 IMG_7227 IMG_7237 IMG_7245 IMG_7262 IMG_7275 IMG_7290 IMG_7295 IMG_7309 IMG_7322 IMG_7329

LEAVE A REPLY

Please enter your comment!
Please enter your name here