Maamulada Galmudug iyo Puntland oo ku heshiiyay xoojinta la dagaallanka argagixisada Al-Shabaab “SAWIRRO”

Kulankaan oo ahaa mid looga arrinsanayay dar dargelinta xoojinta amniga iyo la dagaallanka argagixisada oo muddoyinkii u dambeeyay ay si weyn isaga kaashanayeen dowlad gobaleedyada Galmudug iyo Puntland ayaa lagu qabtay magaalada Gaalkacyo.

Kulanka oo ay goob joog ka ahaayeen Wasiirada Amniga Dowlad Gobaleedyada Puntland iyp Galmudug, saraakiisha laamaha Amniga labada Maamul, Guddoomiyeyaasha Gobalka Mudug ee Galmudug iyo Puntland ayaa intii uu socday looga hadlayay xoohjinta amniga iyo la dagaallanka Kooxaha qaswadayaashaa ee argagixisada Al-Shabaab, isla markaana hal meel looga soo wada jeesto cidkasta oo ka shaqeyneysa amni darro.

Shirka ayaa markii uu soo idlaaday waxaa Warbaahinta si wadajir ah ula hadlay Wasiirka Wasaarada Amniga Galmudug Axmed Macalin Fiqi iyo Wasiirka Wasaaradda Amniga Puntland Cabdisamad Maxamed Galan oo tilmaamay in kulanka la isku raacay sidii wada jir looga hortagi lahaa falalka amni darrada ah ee ay maleegayaan argagixisada Al-Shabaab.

LEAVE A REPLY

Please enter your comment!
Please enter your name here