Maamulka Cadale oo ku baaqay in Daawo lala soo gaaro

1078

Guddoomiyaha degmada Cadale ayaa sheegay in adeegyada bulshada ay ku yar yihiin degmada isagoo ku baaqay in caafimaadka iyo waxbarashada laga teegeero dadka ree Cadale.

Isagoo ka qeyb galayay olole nadaafadeed oo ay dadka degaanku ku sameynayeen Isbitaalka iyo Dugsiga Waxbarashada ayuu tilmaamay in Isbitaalka kaliya ee degmada uusan adeeg bulshada ku filan uusan bixin, taas oo dhibaato ku ah shacabka.

“Daawadu wax yar waaye, toddob sano ayuu burbursanaa dhalkani (degmadani), dhibaato badan ayaa heysa dadkaan” ayuu yiri guddoomiyaha oo sheegay in hay’adda Saacid ay gacanta ku heyso isbitaalka.

Sakiino Maxamed oo ka mid ah dadka degaanka ayaa sheegtay in dugsiga waxbarasho iyo isbitaalkaba ay burbur u geysteen maleeshiyaadkii Al-Shabaab, si ay dib ugu shaqeeyaana ay dadka degaanku iska kaashan doonaan, hase yeeshee waxay dowladda ugu baaqday inay ka caawiso horumarinta adeegga caafimaadka iyo dhisidda waddada isku xirta Cadale iyo Muqdisho oo bacaad ah gaadiidka intiisa badana aysan mari karin.

Did you like this? Share it:

LEAVE A REPLY

Please enter your comment!
Please enter your name here