Maamulka degmada Afgooye oo mamnuucay in hub lagu dhex wato magaaladaasi

3589

Maamulka degmada Afgooye ee gobolka Shabeelaha Hoose ayaa shaaciyay inaan hub  sharcidarro ah lagu dhex wadan garin magaalada Afgooye.

Gudoomiye ku xigeenka dhanka amniga ee degmada Afgooye Mahdi Axmed Xasan ayaa sheegay in dilal kala duwan ay ka dhaceen degmada Afgooye sidaas darteedna maamulka degmada Afgooye uu soo saaray amarro lagu mancinayo in hub lagu dhex wato magaaladaasi.

Wuxuu intaasi ku daray in arrintani ay hoow u dhigi doonto amnidarro ka dhacda magaaladaasi, isagoo ku gooddiyay  in talaabo laga qaadi doono cidii lagu dhex arko iyadoo hub ku dhex wadata  degmada Afgooye.

Kooxo hubeysan ayaa degmada Afgooye dhawaan ku dileen 4 qofood oo mid ka mid ah uu ahaa nabadoon caan ah, inkastoo wali ciidamada amaanka ay ku daba joogaan kooxihii ka dambeeyey dilalkaasi.

Did you like this? Share it:

LEAVE A REPLY

Please enter your comment!
Please enter your name here