Maamulka Degmada Caabudwaaq oo digniino u diray shaqsiyaad shirar gaar ah ku qabsanaya gudaha magaalada

Gudoomiyaha Degmada Caabudwaaq Mahad Cumar Cilmi iyo xubno ka mid ah maamulkiisa oo maanta warbaahinta kula hadlay xarunta Maamulka Degmada ayaa digniin u diray beelo iyo xubno siyaasiyiin oo damac ay kalahaayeen Galmudug markii ay soo waayeen Caabudwaaq yimid oo maamulku uu sheegay inay shirar iyo kicin bulsho oo damacooda la xariira ay ka wadaan degmada.

Beelaha iyo qaar kamid ah Siyaasiyiinta loo digay oo horay uga hadlay Warbaahinta ayaa sheegay in golihii Wasiirada galamudug ee lasoo dhisay ay ka qabaan tabasho

Axmed Falax Falax oo ah ku xigeenka Madaxa Arimaha Bulshada Degmada ayaa sheegay inaysan sax ahayn habka dadka qaba tabashada dhismaha Galmudug ay sameeyeen.

Guddoomiyaha Degmada Caabudwaaq Mahad Cumar Cilmi ayaa sheegay in qofka danta gaarka ah ee uu leeyahay uusan dadka u isticmaalin.

Gabagabadii ayaa Guddoomiyaha Degmada waxaa uu faray Hoteelada inay ogaadaan shirarka iyo kulamada lagu dhex qabanayo oo qaarkood uu ku sheegay inaysan munaasab ahayn.

LEAVE A REPLY

Please enter your comment!
Please enter your name here