Maamulka degmada Dharkeenleey oo ka digay in qashinka lagu shubo waddooyinka “SAWIRRO”

2148

Maamulka Degmada Dharkenley ee gobolka ayaa bilaabay olole nadaafadeed oo qashinka looga qaadayo xaafadaha degmada, iyagoo kaashanaya shacabka halkaasi ku nool, waxaana Gudoomiyaha iyo ku xigeenadiisa ay kormeer ku tageen goobaha ay ka socdeen ololaha nadaafadeed, ganacsataduna lagu amray inan nadiifiyaan afaafka hore goobaha ay ku ganacsanayaan.

Guddoomiyaha degmada Dharkeenleey Cumar Mayre Macaw oo Warhaabinta Qaranka kula hadlay mid ka mid ah goobaha howsha nadaafadu ka socotay ayaa sheegay in ujeedku yahay dib u soo celinta bilicda, waxaana uu dadka degmada ugu baaqay in laga wada qayb qaato howshaasi.

“Waxaan aad ugu faraxsanahay maanta in hareeraheyga ay taagan yihiin dadkii reer Dharkeenleey oo dhan oo ka qayb qaadanaya nadaafada degmada, Wadada Jaalle Siyaad ee dhex marta Degmada in kastoo ay u baahan tahay dib u dayactir, hadana nadaafadeeda 100% ayaan ku dadaaleynaa”ayuu yiri Meyre .

Xiriiriyaha maamulka gobolka Banaadir ee degmooyinka Muqtaar Axmed Dhagacade ayaa maamulka degmada iyo shacabka ku amaanay qaabka ay u wajaheen nadaafada degmada Dharkeenleey, waxaana uu dhanka kale u sheegay in ciidda kadib uu tartanku si rasmi ah u bilaaban doono.

“Shaqo wanaagsan baad ka wadaan halkaan runtii Dharkenley waxaa ay ka mid tahay degmooyinka ugu horeeya dhanka nadaafada, maamulka iyo shacabka waan idinku amaanayaa howshaan, waxaan rabaa in aan idiin sheego muddo saddax maalin ah waa la joojiyay howsha nadaafada, maalinta Axadda ah ayuu tartanku bilaabanayaa hadii uu Alle idmo”ayuu yiri Dhagacadde.

Dhawaan ayay ahayd markii Guddoomiyaha Gobolka Banaadir ahna duqa Muqdisho Mudane Xasan Maxamed Xuseen “Muungaab” uu ku dhawaaqay in guddoomiyaasha 17 degmo ee gobolka lagu tartansiin doono naadaafada qaabka ay wax uga qabtaan, isla markaana abaal marino la guddoonsiin doono ciddii ku guuleysata.

DSC05107 DSC05109 DSC05110DSC05114 DSC05117 DSC05122 DSC05123 DSC05127 DSC05150 DSC05154 DSC05157 DSC05175 DSC05180DSC05197 DSC05198 DSC05204 DSC05213DSC05219 DSC05236 DSC05248 DSC05258 DSC05260DSC05265 DSC05268DSC05274DSC05294 DSC05308 DSC05322 DSC05326 DSC05332 DSC05340Sawir Qaade:- Farxaan Suleymaan Daahir

Did you like this? Share it:

LEAVE A REPLY

Please enter your comment!
Please enter your name here