Maamulka degmada Hiliwaa oo ku baaqay in dib u dhis lagu sameeyo guryaha jajaban

Cabdixakiin.jpg Guddoomiyaha Hiliwaa

Guddoomiyaha degmada Hiliwaa Cabdixakiin Cumar Cabdulle ayaa ugu baaqay dadka iska leh guryaha jajaban ee ku yaala degmada in sida ugu dhaqsiyaha badan ay u dhistaan, si loo soo celiyo bilicdii ay lahayd degmada.

Guddoomiyaha ayaa xusay in maamulkiisu uu xoogga saarayo dib u soo celinta bilicda degmada, waxaana uu intaa ku daray in taasi ay ku imaan karto in dadka iska leh guryaha jajaban ay dayactir ku sameeyaan, isla markaana ay geedaha ka jaraan hareeradaha waddooyinka.

“Waxaan ugu baaqayaa in dadka iska leh guryaha jajaban ee degmada Hiliwaa ku yaalla inay dayactir ku sameeyaan, oo ay sidoo kale geedaha ka jiraan guryaha hortooda, si loo soo celiyo bilicdii ay lahayd degmada” ayuu yiri Guddoomiye Cabdixakiin.

Cabdixakiin Cumar Cabdulle ayaa hoosta ka xariiqay in xilliyada habeenkii ah ay sameeyaan roondooyin lagu xaqiijinayo amniga Degmada, waxaana uu shacabka ka dalbaday in ilinka hore ee guryahooda ayku xiraan nal, ayna la shaqeeyaan laamaha amniga ee habeen iyo maalin u taagan sugidda Nabadgelyadooda.

“Hadda xilliyada habeenkii waxaan bilownay roondooyin aan sameyneyno, kaasi oo aan ugu kuurgalayo koontaroolada ciidanka sida ay u shaqeeyaan, isla markaana ah mid lagu xaqiijinayo amniga degmada, waxaana shacabka ka codsanayaa inay sii xoojiyaan la shaqeynta hay’adaha Nabadgelyada degmada qaabilsan” ayuu hadalkiisa kudaray Guddoomiyaha degmada Hiliwaa.

Tan iyo markii uu xilka la wareegay Guddoomiyaha cusub ee degmada Hiliwaa ayaa bilaabay in uu kulamo la qaato shacabka ku nool waaxyaha kala duwan ee degmada, isagoo is xogwareysi kaddib bilaabay in uu guda galo qorshihiisa 100-ka maalmood ah oo uu ka bilabay amniga iyo bilic soo celinta degmada ay lahayd.

 

Did you like this? Share it:

LEAVE A REPLY

Please enter your comment!
Please enter your name here