Maamulka Degmada Luuq Iyo Madaxda Tuulooyinka Hoos Yimaada Oo Ka Wada Hadlay Xoojinta Amniga “SAWIRRO”

Kulanka oo ay maanta wada qaateen Maamulka Degmada Luuq iyo sidoo kale Guddoomiyeyaasha Tuulooyinka hoos yimaada Degada Luuq ayaa waxaa diiradda lagu saaray in laga wada shaqeeyo xoojinta amniga iyo sidii dadka ku nool tuulooyinka ay uga qayb qaadan lahaayeen xaqiijinta iyo sooo gudbinta cid kasta oo carqalad ku ah Nabadgelyada guud ee Gobolka Gedo

Kulanka oo ay ka soo qayb galeen dhamaan mas’uuliyinta Maamulka Degmada Luuq ayaa waxaa ugu horeyn goobta ka hadlay Madaxa arrimaha Bulshada Degmada Luuq  Cabdicasiis Sugow Salaad,  isagoo  ugu baaqay in laga wada shaqeeyo ammaanka Degmada iyo tuulooyinka kale ee hoostaga Luuq.

Qaar kamid ah ka soo qayb galayaasha kulanka ayaa sheegay in ay diyaar u yihiin in laamaha ammaanka ay kala shaqeyn doonaan Nabadgelyada.

Guddoomiyaha Degmada Luuq Axmed Buule Gared oo kulanka soo xiray ayaa sheegay in ay muhiim tahay wada shaqaynta gudiyada tuuloyinka iyo Maamulka Degmada, si loogaaro horumar waara, waxana uu sheegay in xoogga la saarayo adkaynta Amniga iyo helidda xogaha la xiriira xoojinta Nabadgelyada.

LEAVE A REPLY

Please enter your comment!
Please enter your name here