Xaruntii degmada Wanlaweyn oo dhismo laga billaabay”SAWIRRO”

0
2978

Maamulka degmada Wanlaweyn ee gobolka Shabeelaha  Hoose ayaa  ka bilaabay howlo dib u dhis ah  iyo gelinta  nalalka ku shaqeeya  ileyska  cadceeda  qeybo ka mid ah  waddooyinka iyo xaafadaha degmada  Wanlaweyn,  iyadoo maamulka uu dhagax dhigay  xarunta  uu ku shaqeeyo maamulka degmada iyo suuqweyn oo loogu tala galay in ay ku ganacsadaan  ganacsatada Soomaaliyeed.

Howlahan dib u dhiska ah iyo  gelinta  nalalka ku shaqeeya ileyska ayaa looga  gol leeyahay  in lagu soo celiyo  bilicda Degmada Wanlaweyn  si loo dar dar geliyo  howlaha lagu horumarinayo degmada.

Malaaq Cumar Daa’uud  iyo Nabadoon Abuukar  Mayoow  oo ka mid ah dadka deegaanka ayaa si wada  jir ah  u soo dhaweeyay howlahan lagu horumarinayo  degmada Wanlaweyn, iyagoona ka codsaday dowladda  Federaalka ee Soomaaliya  iyo maamul goboleedka koofurgalbeed in ay  gacan ka geystaan sidii loo hormarin lahaa  howlaha ka soconayo  degmada.

Guddoomiyaha degmada Wanlaweyn ee gobolka Shabeelaha Hoose  Maxamed Siidoow Cabdi raxmaan ayaa sheegay in howlahan ay iska kaashanayaan maamulka iyo qeybaha bulshada ee degamda, si loo hirgeliyo adeegyada aas aasiga u ah bulshada degmada ku nool.

sawir 1 sawir 2 sawir 3 sawir 4 sawir 5 sawir 6 sawir 7

Did you like this? Share it:

LEAVE A REPLY

Please enter your comment!
Please enter your name here