Maamulka Degmada Xuddur oo xariga ka jaray mashruuca dhismaha ceel biyood

Maamulka Degmada Xuddur ee Gobolka Bakool ayaa xariga ka jaray mashruuca dhismaha ceel biyood oo ay wasaaradda tamarta iyo kheyraadka biyada koonfur galbeed ka hirgelisay degmada Xuddur.

Hirgelinta mashruuca Soolarka waa nidaan muhiimad gaar ah u leh bulshada reer Xuddur oo iyagu isticmaalayay wadaan gacmahooda uga soo dhaansadaan ceelasha iyo matooro ubaahan shidaal qarashkiisuna aysan awoodin bulshada reer Xudur.

Si baahidaas loo daboolo wasaaradda tamarta iyo kheyraadka biyaha koonfur galbeed oo kaashanaysa hay’adda NRC ayaa hirgelisay nidaamka soolarka cadceeda ku shaqeeya oo korontadiisa biyaha ka soo saarto ceelka gayna doonto biyaha  goobo fog fog.

Goobta xarig-jarka waxaa goob-joog ka ahaa wakiillo  a kala socday wasaaradda tamarta iyo biyaha koonfur galbeed, hay’adda NRC, maamulka degmada Xuddur iyo kan gobolka Bakool, ugu horeyn waxa faahfaahin kabixiyey mashruuca Madaxa Xafiiska NRC Koonfur Galbeed Qaasim Maxamed Aadan isagoonna tilmaamay in mashruucan uu wax badan u tari doono bulshada Koofur-galbeed.

Agaasimaha waaxda biyaha wasaaradda tamarta koonfur-galbeed Liibaan Axmed Cabdulaahi ayaa maamulka iyo guddiga biyaha ku wareejiyey ceelka iyo agabkiisa, isagoona u mahad celiyaya hay’adda NRC oo iyadu kaalin ween ka qaadatay xarig jarka ceelka biyaha.

 

 

LEAVE A REPLY

Please enter your comment!
Please enter your name here