Maamulka Gaalkacyo ee Galmudug oo lagu wareejiyay gaari iska roge ah

1194

Maamulka magaalada Gaalkacyo ee Galmudug ayaa gaadiid loogu tala galay in looga qeyb qaato Nadaafadda, kala wareegtay Hay’ad fadhigeeda uu yahay Dalka Mareykanka.

Munaasabadda oo lagu qabtay xarunta dowladda Hoose Gaalkacyo ee Galmudug ayaa waxaa goob ka ahaa xubno ka tirsan maamulkii hore ee Gaalkacyo, Wasiiru-dowlaha arrimaha gudaha iyo dowladaha Hoose ee Galmudug iyo mas’uuliyiin kale.

Hay’adda TIS ayaa maamulka dowladda Hoose ku wareejisay gaari kuwa iska rogaha loo yaqaan, si loga qeyb qaato ololaha nadaafadeed ee ka socda Gaalkacyo.

Siihayaha Xilka guddomiyaha Gaalkacyo Cismaan Cadceed Cilmi ayaa sheegay in hay’adda TIS ay uga mahadcelinayaan gaarigan nuuca iska rogaha ah ee lagu qaado qashinka, waxaana uu intaa ku daray in hantida Dowladda ay ku simi doonaan maamulka cusub ee loo soo magacaabi doono Gaalkacyo ee Galmudug.

Wasiiru Dowlaha arrimaha gudaha iyo dowladaha Hoose ee Galmudug Cumar Maxamed Diiriye ayaa ugu baaqay maamulkii hore inay ilaaliyaan hantida dowladda, isla markaana loogu adeego bulshada, waxaana hay’adda TIS madaxdooda ku booriyay inay sii labo jibaarto wax u qabashada shacabka Gaalkacyo.

 

 

 

Did you like this? Share it:

LEAVE A REPLY

Please enter your comment!
Please enter your name here